الساعره كريمه السعدي غريبه

غريبة ومن بعد عينج يايمه
شعر كريمة السعدي
غريبه ومن بعد عينج يايمة
ومحتارة بزماني
غريبة وخلاني الوقت
واني بوسط خواني
غريبة ورماني الدهر
وما ادري على ياشاطي نساني
غريبة ومن بعد عينج يايمة
ونطرت سنين وما واحدهم سأل
ودك بابي وجاني
غريبة ومن بعد عينج يايمة
جنت احسبهم سند
لو دار الدهر ورماني
واني ضيعني الوقت
وتيهني بين غربة وطن
وغربة اوطاني
غريبة ومن بعد عينج يايمة
تساليني عن حال الخلك وياج
هم بالغربة ناسيج
مثل ما نسيوني خواني
غريبة ومن بعد عينج يايمة
كل غايب تراه بيوم ويعود
بس الي دفنته الغربة
وما اظن للوطن فد يوم يرجعوني
غريبة ومن بعد عينج يايمة
شحجيلج يايمة وبعد وشصار
واني المدلل جنت
وخوان بالغربة تركوني
واني المسافر حامل نغم واوتار
تتنغني بشواطي دجلتي وماي
غريبة ومن بعد عينج يايمة
وما كفى الدهر ياخذ كل عزيز
وغالي وياه بلاي وداع
وخلاني وحيد وبلي خلاني
غريبة ومن بعد عينج يايمة