بهجة الدنيا زينة حياة الناس بوجود الاطفال

 بهجة الدنيا


زينة حياة الناس بوجود الاطفال
هم فرحة الدنيا و نبع السعاده

اكثر بشر سعيد من عنده اعيال
واكثر سعاده حين طلق الولاده

تسمع كلامه اوّل النطق وش قال
يملى حياتك بالفرح والرّكاده

ما تنقص حقوق الورع قدر مثقال
الحق وافي بين علم و عياده

من تحت سقفٍ فيه حكمه و امثال
والكل ياخذ من حياته مراده

لهم غلا اغلا من الروح والمال
لن حبهم يجري مع الدم عاده

هم بهجة الدنيا على كل الاحوال
معهم نعيش بخير والحب زاده

بيت السعاده فيه اطفال ورجال
فيه الضيوف و فيه اهل الرياده

ولهة الشوق
شيخه المقبالي