الشاعره الكبيره فاطمه الليثي أمخدة مسودن
أمخدة مسودن
لا تغيم ..والوكت فد نوبه صاحي
لا تغيم ..
الگاع مشتهيه لعذب صوت المساحي
لا تغيم ..
والمطر بعده غشيم مايوچد ليلك وضحكت صباحي
لا تغيم ..
روحي مذبوحة أعله عيدك مايكفيها همس عيد وأضاحي
غيمتك مرت عليّ زخت عيوني
وبرق فززني بحلم شبگة جفوني
لا تغيم خايفة ناسك تذمني وتنهدل نصبة أمتوني
الغيمة البوجهك جزتني ...
وخيرها راح لأرض شربت ديوني
المطر خير ..والفقير يخاف من خير المطر
والسهر نعمة العاشگ يعاتب الناطور لو طال السهر
والبصر أمنية أعمى والمفتح مالگه المفتاح بذنوب البصر
عاد غيم وسالفة ديره برعيده وشوف تاليها اذا يصفى القدر
والقهر عريس غفلة يجي بليلة نحس ماعنده مهر
يشتهي احديثة بغزل خزامه وأجناغ وتلالي ويه الگمر
آخ.. ياآخ الگمر مسودن ونام بمخدة مستحه ...
ومشتاگ لهموم وقهر
ياسوالفنه نضيده معدلة وتحتاج أيد وغَرفه من ماي النهر
غَرفه من ماي ..النهر
..فاطمة الليثي 2024/10/6
لا تغيم ..والوكت فد نوبه صاحي
لا تغيم ..
الگاع مشتهيه لعذب صوت المساحي
لا تغيم ..
والمطر بعده غشيم مايوچد ليلك وضحكت صباحي
لا تغيم ..
روحي مذبوحة أعله عيدك مايكفيها همس عيد وأضاحي
غيمتك مرت عليّ زخت عيوني
وبرق فززني بحلم شبگة جفوني
لا تغيم خايفة ناسك تذمني وتنهدل نصبة أمتوني
الغيمة البوجهك جزتني ...
وخيرها راح لأرض شربت ديوني
المطر خير ..والفقير يخاف من خير المطر
والسهر نعمة العاشگ يعاتب الناطور لو طال السهر
والبصر أمنية أعمى والمفتح مالگه المفتاح بذنوب البصر
عاد غيم وسالفة ديره برعيده وشوف تاليها اذا يصفى القدر
والقهر عريس غفلة يجي بليلة نحس ماعنده مهر
يشتهي احديثة بغزل خزامه وأجناغ وتلالي ويه الگمر
آخ.. ياآخ الگمر مسودن ونام بمخدة مستحه ...
ومشتاگ لهموم وقهر
ياسوالفنه نضيده معدلة وتحتاج أيد وغَرفه من ماي النهر
غَرفه من ماي ..النهر
..فاطمة الليثي 2024/10/6