Fatima Al-Laithi · صحوة شوگ
Fatima Al-Laithi ·
صحوة شوگ
هم تعرف شنو يعني من أحبك
وآنه اموتن حي
وهم تعرف النار التكسر الخاطر
اذا لاحتها رشت مي
وهم تعرف شنو آنه من اريدك
بالشمس وألگاك عد الفي
متت وآنه احترگ وأشتاگ وألگاك
انت بيدي وبيدي مامش شي
عرفتك كحلة بعيوني ولگيتك
حمرة بشفافي وأعاند وأعتني بلا غي
وأريدك ليل مهموم بسهر خلان
وأدورك ياحمامة عطش عالنهران
وأفرفح وأشتهي سالوفة النسوان
تمر بشارعي وأتمنى جاري اتصير
ياريتك عشگ مطبوع عالبيبان
يل مرجعني لسنين الوله بصباي
أحس روحي أعله چفك والچتف حلمان
وتلمني وصدگ بيك وأحتاجك ولا ألگيك
يازفة عرس من عين باب الطاگ
تفر بيه الولاية وألگه بيك أفراگ
وأشمن ريحة أبساتين ....
وأتخطه النهر عالراگ
خذتني وطرت بيه ابعيد
ولفيت المدن بالساگ
الدرب ماحسبتله احساب أظلم
والضوه فرهود ياطولة خلگ عشاگ
مثل طفلة وألوذ بكترك وحبيت
وأستاحش وأخاف أنباگ
وتلفني بعباتي وأستحي من الروح
وأطوف بحضرته وأعرف بعد أشتاگ
وأردلك طيرة جلده جناحها مشكول
واتخاف اعله روحي ياچتف تفاگ
يحارس عمري ياتچايتي من أختل
ياعشگ الزغر ياحلم يا أول
يا تالي وأخير وصلحتي من أزعل
ياقاضي الظلمني وبالعشگ أعدل
وأصعبها عليك وماتحبني أسهل
عميت وكون عيني اتصير
يلغيرك فلا أندل
صحوة شوگ عندي ولو اگلك روح
ماتقبل ولا تقبل ...ولا تقبل فاطمة الليثي
باب الطاگ ..منطقة قديمة في مدينتي
2024/9/21
صحوة شوگ
هم تعرف شنو يعني من أحبك
وآنه اموتن حي
وهم تعرف النار التكسر الخاطر
اذا لاحتها رشت مي
وهم تعرف شنو آنه من اريدك
بالشمس وألگاك عد الفي
متت وآنه احترگ وأشتاگ وألگاك
انت بيدي وبيدي مامش شي
عرفتك كحلة بعيوني ولگيتك
حمرة بشفافي وأعاند وأعتني بلا غي
وأريدك ليل مهموم بسهر خلان
وأدورك ياحمامة عطش عالنهران
وأفرفح وأشتهي سالوفة النسوان
تمر بشارعي وأتمنى جاري اتصير
ياريتك عشگ مطبوع عالبيبان
يل مرجعني لسنين الوله بصباي
أحس روحي أعله چفك والچتف حلمان
وتلمني وصدگ بيك وأحتاجك ولا ألگيك
يازفة عرس من عين باب الطاگ
تفر بيه الولاية وألگه بيك أفراگ
وأشمن ريحة أبساتين ....
وأتخطه النهر عالراگ
خذتني وطرت بيه ابعيد
ولفيت المدن بالساگ
الدرب ماحسبتله احساب أظلم
والضوه فرهود ياطولة خلگ عشاگ
مثل طفلة وألوذ بكترك وحبيت
وأستاحش وأخاف أنباگ
وتلفني بعباتي وأستحي من الروح
وأطوف بحضرته وأعرف بعد أشتاگ
وأردلك طيرة جلده جناحها مشكول
واتخاف اعله روحي ياچتف تفاگ
يحارس عمري ياتچايتي من أختل
ياعشگ الزغر ياحلم يا أول
يا تالي وأخير وصلحتي من أزعل
ياقاضي الظلمني وبالعشگ أعدل
وأصعبها عليك وماتحبني أسهل
عميت وكون عيني اتصير
يلغيرك فلا أندل
صحوة شوگ عندي ولو اگلك روح
ماتقبل ولا تقبل ...ولا تقبل فاطمة الليثي
باب الطاگ ..منطقة قديمة في مدينتي
2024/9/21