Dr-Shaymaa Emara يا آخر صوت سكن روحي
Dr-Shaymaa Emara
يا آخر صوت سكن روحي
فطلّع روحي للملكوت
فنلقى سكوت
ودقة قلبي مش عارفة
منين تنعاد
وفين الوعد والمواعيد
باعيشها ف ضل بُعده حداد
يفوت العيد
وكل دقيقة بتعافر وبتسافر
على قطر البكا الكداب
بيمشي بين عيون الخلق
فيرسم باب
بيتحايل عليه يرجع
ولا بيسمع
اتاري الفل بيوزع
عناقيد الأفول والبرد
على القلب اللي كان لك طوق
على الحلم اللي صابه الشوق
على الأيام وف الصناديق
ويرسم من دموعنا طريق
نعدي عليه فنتفرّق
ومين فينا اللي كان أصدق
أنا وقلبي ودواير بسمتي وعيون
أو انت لما عشت رحيل... يصب سكون
ما قلنا خلاص.. لقانا جنون
فليه سايب على الشباك
روحين ف بداية القصة
وخيط من غرزة محبوسة
بتغزل توب من الغُصة
وسطرين ما يتكتبوش
ونهر من الغنا الموجوع
وليه سايب على جبين الزمن أشعار
عيون بتداري ع الأسرار
وأسورتين
تقيّد لهفة المعنى
وليه تاني بتوجعنا
وتخلق جوة حبي جحيم
فهات الميم
فهات الميم .. على طرف اللقا الممنوع
وحط الواو ف ضي شموع
ما تنساش إن فيهم تاء
بتحرق أرض للعشاق
بتنبت خوف
يعدي جوة شراييني وتكويني وكل ما بيني وما بيني
وصوت مكتوم
فليه محتوم ...
فليه محتوم ؟؟
يخبي عيونه ف جروحي؟!
يا لهفة اتكلمي وبوحي
وقولي اعتراضك .. لاء
وقولي الحق
لآخر صوت سكن روحي
#الدكتورة_بنت_عمارة
Photo.. T.B. Yasmin Eliwa
يا آخر صوت سكن روحي
فطلّع روحي للملكوت
فنلقى سكوت
ودقة قلبي مش عارفة
منين تنعاد
وفين الوعد والمواعيد
باعيشها ف ضل بُعده حداد
يفوت العيد
وكل دقيقة بتعافر وبتسافر
على قطر البكا الكداب
بيمشي بين عيون الخلق
فيرسم باب
بيتحايل عليه يرجع
ولا بيسمع
اتاري الفل بيوزع
عناقيد الأفول والبرد
على القلب اللي كان لك طوق
على الحلم اللي صابه الشوق
على الأيام وف الصناديق
ويرسم من دموعنا طريق
نعدي عليه فنتفرّق
ومين فينا اللي كان أصدق
أنا وقلبي ودواير بسمتي وعيون
أو انت لما عشت رحيل... يصب سكون
ما قلنا خلاص.. لقانا جنون
فليه سايب على الشباك
روحين ف بداية القصة
وخيط من غرزة محبوسة
بتغزل توب من الغُصة
وسطرين ما يتكتبوش
ونهر من الغنا الموجوع
وليه سايب على جبين الزمن أشعار
عيون بتداري ع الأسرار
وأسورتين
تقيّد لهفة المعنى
وليه تاني بتوجعنا
وتخلق جوة حبي جحيم
فهات الميم
فهات الميم .. على طرف اللقا الممنوع
وحط الواو ف ضي شموع
ما تنساش إن فيهم تاء
بتحرق أرض للعشاق
بتنبت خوف
يعدي جوة شراييني وتكويني وكل ما بيني وما بيني
وصوت مكتوم
فليه محتوم ...
فليه محتوم ؟؟
يخبي عيونه ف جروحي؟!
يا لهفة اتكلمي وبوحي
وقولي اعتراضك .. لاء
وقولي الحق
لآخر صوت سكن روحي
#الدكتورة_بنت_عمارة
Photo.. T.B. Yasmin Eliwa