د. حامد الشطري الى صديقي المبدع جدا د ياسر البراك طيف ثورة
د. حامد الشطري
الى صديقي المبدع جدا
د ياسر البراك
طيف ثورة
مثل ظفرة كصيبه
اطويهن اذراعي عله خيالج حلم
واشبكَ عطر ريحان
اصوغن ركَبتج قيراط من شمام..
اطشن ريحته.. بجرف النده الذبلان
وانثر فوكَ زلفج ..زلفج المغتاض..
خيط من القبل ليلو ..
واطرز سمه بصدرك مزهرية شوكَ
واغفه بلهفة المحتام ..
انيشن وردة الجوري بطرف شفتج ..
واذوبن لو عسل شفتج روه العطشان..
يانيسان روحي الجفل بيها الشوك..
فر عمر الوكت فره ..
وخل ليل العشكَ يفتر عله جروحي فرد فره.. ولو مره
فزز شوكَ نام بحاجب الحلمان ..
ولك تدري العشكَ ثورة..
ولك ثورة كصايب ..لو مناجل ..
لو مشاعر ..لو قصايد للوطن نقرة..
وتسالني حبيبي عرف الثورة..
واكلها عيون كل طفله عراقية انطفه بيها الكمر تعريف للثورة
واكلها لكل كصيبة انكص ثلث من طولها بليل الحزن وتوسدت تربان نص ليل السهر..
واكلها الشطرة ثورة
الناصرية وداعدج ليل الزلم من تشتهي الهوسات وتكحل الشوارع بالدماء الطاهرة بليل الغضب..
الناصرية ام الرصيف الشاهد اليركض،
يوزع نخوة ع الخطوات ..
وبدم الشوارع يرسم اورود وحدائق ..
والاجدام ادوس و الشارع حطب..
احاه يانار الرصاص بروحي يدوي
احاه يهلال السمه،
يل منكسر ومضيع العيدين
مامنك سمه التضوي وسحر كل النجوم
اعنان مهرة ..التعبر احدود القهر..
احاه ياراحة طفل ،
جف بيها لون الورد الابيض،
والجفن ثوبه المرقط
احاه ياهذا العمر..
امعذربات احلامه ما ظن يوم تنفض..
احاه ياواهس الثورة النايم بروحي مثل ميت،
شفت ميت يجيله يوم ينهض..
واني وانت ..
الي حلفنه انشوف باجر ..صبح ابيض..
اخ ياتاج الامس نيشان المفضض ركض
وهاي هاي الناصرية ..
بشارب التاريخ ديه..
وطينها الاحمر نبض..وطينها الاحمر نبض
الى صديقي المبدع جدا
د ياسر البراك
طيف ثورة
مثل ظفرة كصيبه
اطويهن اذراعي عله خيالج حلم
واشبكَ عطر ريحان
اصوغن ركَبتج قيراط من شمام..
اطشن ريحته.. بجرف النده الذبلان
وانثر فوكَ زلفج ..زلفج المغتاض..
خيط من القبل ليلو ..
واطرز سمه بصدرك مزهرية شوكَ
واغفه بلهفة المحتام ..
انيشن وردة الجوري بطرف شفتج ..
واذوبن لو عسل شفتج روه العطشان..
يانيسان روحي الجفل بيها الشوك..
فر عمر الوكت فره ..
وخل ليل العشكَ يفتر عله جروحي فرد فره.. ولو مره
فزز شوكَ نام بحاجب الحلمان ..
ولك تدري العشكَ ثورة..
ولك ثورة كصايب ..لو مناجل ..
لو مشاعر ..لو قصايد للوطن نقرة..
وتسالني حبيبي عرف الثورة..
واكلها عيون كل طفله عراقية انطفه بيها الكمر تعريف للثورة
واكلها لكل كصيبة انكص ثلث من طولها بليل الحزن وتوسدت تربان نص ليل السهر..
واكلها الشطرة ثورة
الناصرية وداعدج ليل الزلم من تشتهي الهوسات وتكحل الشوارع بالدماء الطاهرة بليل الغضب..
الناصرية ام الرصيف الشاهد اليركض،
يوزع نخوة ع الخطوات ..
وبدم الشوارع يرسم اورود وحدائق ..
والاجدام ادوس و الشارع حطب..
احاه يانار الرصاص بروحي يدوي
احاه يهلال السمه،
يل منكسر ومضيع العيدين
مامنك سمه التضوي وسحر كل النجوم
اعنان مهرة ..التعبر احدود القهر..
احاه ياراحة طفل ،
جف بيها لون الورد الابيض،
والجفن ثوبه المرقط
احاه ياهذا العمر..
امعذربات احلامه ما ظن يوم تنفض..
احاه ياواهس الثورة النايم بروحي مثل ميت،
شفت ميت يجيله يوم ينهض..
واني وانت ..
الي حلفنه انشوف باجر ..صبح ابيض..
اخ ياتاج الامس نيشان المفضض ركض
وهاي هاي الناصرية ..
بشارب التاريخ ديه..
وطينها الاحمر نبض..وطينها الاحمر نبض