Shahad Al Rawi أقدم لكم نفسي
Shahad Al Rawi
أقدم لكم نفسي
اني فد واحد صوتي كلش عالي مو بأيدي هيچي اجيت عالدنيا ،، صوتي مزعج ويمكن محلو من أغني ..
مرات من أعطس أشوف الناس تفز وأكو أشخاص يصيبها ذعر والغريب انه يگومون يدعون علية ببدال ما يگولولي "يرحمكم الله "
ما صار هواية من اجيت عالدنيا ،
بس ماعرف منو أبوية وأمي ، أعتقد والله أعلم اني لَقيط..!
كل الي أعرفة اني فتحت عيني لگيت نفسي أتمشى بشوارع العراق وكل ما أروح بمكان الناس تگوم تركض وتنهزم مني ،
صح اني مشايف نفسي بالمراية بس ما أعتقد الهالدرجة شكلي يخرع !
اني مو نباتي أبداً ما أگدر اكل الا لحوم وكل ما أبدي اتغدى أو أتعشى تنگلب الدنيا داير مدايري ،
يعني هو صح اني شوية أوصخ الكاع من آكل لأن طبيعتي بربرية بس مو بأيدي اني ما أعرف آكل إلا بهاي الطريقة يمكن لأني تربات شوارع !
مرات هواي أجوع يذبحني الجوع ومن أمد أيدي على أي "زبالة" بالشارع يجون ناس ما أعرفهم لابسين نفس الهدوم يلزموني ويسدون حلگي ،
ما أكذب عليكم مرات أحقد عليهم وأتمنى أقتلهم بس شكلهم هذا شغلهم ، وظيفتهم بالحياة يموتوني..!
يوميا أدعي الله ياخذني وأدعي على هذول البغايا الي جابوني للدنيا وشمروني ،،
فد يوم من الأيام قررت أشوف نفسي بالمرايا ، دورت هواي على مرايا ما لگيت كل ما أدگ الباب على بيت يگومون يعيطون وأنهزم ،
الى أن گعدني واحد واني نايم ،
فتحت عيني لگيت مجموعة وجوه عكرة وبشعة رابطيني بأسلاك وديحچون شلون عن طريقي ممكن يطگون للستار ،يحققون أهدافهم ويرضون أولياء أمورهم
گلتله الواحد منهم آني وين وشدتسوي بية ؟
- گلي ارتاح آني أبوك
-گلتله فدوة ابوية اني هيچ مو حلو مثلك؟ فدوة أريد مراية !!!
ضحك ضحكة غريبة وگلي حبيبي انت مو بشر ..
انتَ تاكل الناس وتفرحني ..!!!
ردت أنشل من هاي المعلومة ، ما صدگته، گلتله بس انت ابوية وانت بشر!
-شلون ابوية بشر واني هيچ ؟
- لذلك انت لَقيط واني وكلمن جابك للدنيا أمك وأبوك !
-يعني انت عاهر ابوية !
-أنجب لك يللا ولي روح الحي الأندلس لا أنفيك من الوجود هسة ...
-ياريت تنفيني اني صح هيچ مو بأيدي تكون هاي حياتي بس بأيدك انت تخلص الناس من شري..!
-ههههههه روح هسة وبعدين نحچي
-أرجوك أتلفني ولا تظل تتحكم بيه
-يللا ولي
-زين بس گلي انتوا كلكم منين ؟
-احنا من كل محافظات هذا البلد هدفنا نرضي أولياء الأمور بالتفرقة لأن يگولون "فرق تسد "
-ومحد يدري..؟
- لا محد يدري والي يحاول يوصل الهاي المعلومة ندزلة بشر على شكلك انت يلعب على عواطفهم بالكلام الطائفي حتى يتعطل التفكير وتبقى العاطفة هي الي تحچي
-بس آني أحب العراق !
-بس تحب تعيش أكثر وتاكل أكثر !
عطست بحي الأندلس غصباً عني ، الظاهر العطسة تجي من عندهم لان ما أگدر اتحكم بيها
وأتمنى اذا أگدر اتحكم بنفسي آكل ذول البغايا الي باعوا بلدهم
ويعتبرون اخوانهم زبالة آني أقتات عليها ...
والحقيقة أنهم هم الزبالة..!
آني مدعوكم "انفجار"
بس ماريد أظل "أنفجار" ،
وبنفس الوقت ماريد أصير بشري أخاف أبيع بلدي
علمود لفة كباب ولفة غترة ما تزيدني إلا عار ..!
آت ..آت... قبل ما أعطس آني الي أريد أگللكم
"يرحمكم الله"
آتشووووو
أقدم لكم نفسي
اني فد واحد صوتي كلش عالي مو بأيدي هيچي اجيت عالدنيا ،، صوتي مزعج ويمكن محلو من أغني ..
مرات من أعطس أشوف الناس تفز وأكو أشخاص يصيبها ذعر والغريب انه يگومون يدعون علية ببدال ما يگولولي "يرحمكم الله "
ما صار هواية من اجيت عالدنيا ،
بس ماعرف منو أبوية وأمي ، أعتقد والله أعلم اني لَقيط..!
كل الي أعرفة اني فتحت عيني لگيت نفسي أتمشى بشوارع العراق وكل ما أروح بمكان الناس تگوم تركض وتنهزم مني ،
صح اني مشايف نفسي بالمراية بس ما أعتقد الهالدرجة شكلي يخرع !
اني مو نباتي أبداً ما أگدر اكل الا لحوم وكل ما أبدي اتغدى أو أتعشى تنگلب الدنيا داير مدايري ،
يعني هو صح اني شوية أوصخ الكاع من آكل لأن طبيعتي بربرية بس مو بأيدي اني ما أعرف آكل إلا بهاي الطريقة يمكن لأني تربات شوارع !
مرات هواي أجوع يذبحني الجوع ومن أمد أيدي على أي "زبالة" بالشارع يجون ناس ما أعرفهم لابسين نفس الهدوم يلزموني ويسدون حلگي ،
ما أكذب عليكم مرات أحقد عليهم وأتمنى أقتلهم بس شكلهم هذا شغلهم ، وظيفتهم بالحياة يموتوني..!
يوميا أدعي الله ياخذني وأدعي على هذول البغايا الي جابوني للدنيا وشمروني ،،
فد يوم من الأيام قررت أشوف نفسي بالمرايا ، دورت هواي على مرايا ما لگيت كل ما أدگ الباب على بيت يگومون يعيطون وأنهزم ،
الى أن گعدني واحد واني نايم ،
فتحت عيني لگيت مجموعة وجوه عكرة وبشعة رابطيني بأسلاك وديحچون شلون عن طريقي ممكن يطگون للستار ،يحققون أهدافهم ويرضون أولياء أمورهم
گلتله الواحد منهم آني وين وشدتسوي بية ؟
- گلي ارتاح آني أبوك
-گلتله فدوة ابوية اني هيچ مو حلو مثلك؟ فدوة أريد مراية !!!
ضحك ضحكة غريبة وگلي حبيبي انت مو بشر ..
انتَ تاكل الناس وتفرحني ..!!!
ردت أنشل من هاي المعلومة ، ما صدگته، گلتله بس انت ابوية وانت بشر!
-شلون ابوية بشر واني هيچ ؟
- لذلك انت لَقيط واني وكلمن جابك للدنيا أمك وأبوك !
-يعني انت عاهر ابوية !
-أنجب لك يللا ولي روح الحي الأندلس لا أنفيك من الوجود هسة ...
-ياريت تنفيني اني صح هيچ مو بأيدي تكون هاي حياتي بس بأيدك انت تخلص الناس من شري..!
-ههههههه روح هسة وبعدين نحچي
-أرجوك أتلفني ولا تظل تتحكم بيه
-يللا ولي
-زين بس گلي انتوا كلكم منين ؟
-احنا من كل محافظات هذا البلد هدفنا نرضي أولياء الأمور بالتفرقة لأن يگولون "فرق تسد "
-ومحد يدري..؟
- لا محد يدري والي يحاول يوصل الهاي المعلومة ندزلة بشر على شكلك انت يلعب على عواطفهم بالكلام الطائفي حتى يتعطل التفكير وتبقى العاطفة هي الي تحچي
-بس آني أحب العراق !
-بس تحب تعيش أكثر وتاكل أكثر !
عطست بحي الأندلس غصباً عني ، الظاهر العطسة تجي من عندهم لان ما أگدر اتحكم بيها
وأتمنى اذا أگدر اتحكم بنفسي آكل ذول البغايا الي باعوا بلدهم
ويعتبرون اخوانهم زبالة آني أقتات عليها ...
والحقيقة أنهم هم الزبالة..!
آني مدعوكم "انفجار"
بس ماريد أظل "أنفجار" ،
وبنفس الوقت ماريد أصير بشري أخاف أبيع بلدي
علمود لفة كباب ولفة غترة ما تزيدني إلا عار ..!
آت ..آت... قبل ما أعطس آني الي أريد أگللكم
"يرحمكم الله"
آتشووووو