القيامة ... للكبير عريان سيد خلف شعر شعبي عراقي
القيامة ... للكبير عريان سيد خلف
الحيطان منخل والدروب حفور
والبيبان صرخه بلا صدى ولاصوت
صفنة گمبره بِوَحشة مسية گبور
ووجوه الصغار الحاضنه الشباچ
باگة ورد ذابل بالحزن معصور
والنضره متاهه وخوف يرضع خوف
من يهتز قفل حسبالهم شاجور
من يهتز قفل حتى الطيور تطير
مرعوبه جنح وبلا وعيهه تدور
ماضل لاملاذ يلوذ بيه الخوف
بس حسرة مراره بحشرجة مصدور
قامت والمناير تختل ويه الناس
وتخاوي الرصاصه الصگر والعصفور
قامت والبشر مو بشر غابه زور
يحصدهه العصف ويلوچهه التنور
حتى الماي ورث والتوى الصفصاف
شاحب والنهر من كثر غيضه يفور
والموت بصلافه يدگ على البيبان
ويوزع عليهه السدر والكافور
هنا دفتر كتابه ...هنا حمامه بيت
هنا وصلة جديله بچف طفل مبتور
هنا تربة صلاه والدم عليهه هلال
هنا مصحف جلاله من العصف منشور
هنا صرخة نثايه تشتِتٓت بالريح
على جثه تململ من چلب مسعور
قامت والمنايه تدور فوگ الروس
صفنت رحى الگاع ورحى الموت تدور
قامت من دخيلك ياعلي الكرار
مو هاي القيامه إلمن بعد مذخور
الحيطان منخل والدروب حفور
والبيبان صرخه بلا صدى ولاصوت
صفنة گمبره بِوَحشة مسية گبور
ووجوه الصغار الحاضنه الشباچ
باگة ورد ذابل بالحزن معصور
والنضره متاهه وخوف يرضع خوف
من يهتز قفل حسبالهم شاجور
من يهتز قفل حتى الطيور تطير
مرعوبه جنح وبلا وعيهه تدور
ماضل لاملاذ يلوذ بيه الخوف
بس حسرة مراره بحشرجة مصدور
قامت والمناير تختل ويه الناس
وتخاوي الرصاصه الصگر والعصفور
قامت والبشر مو بشر غابه زور
يحصدهه العصف ويلوچهه التنور
حتى الماي ورث والتوى الصفصاف
شاحب والنهر من كثر غيضه يفور
والموت بصلافه يدگ على البيبان
ويوزع عليهه السدر والكافور
هنا دفتر كتابه ...هنا حمامه بيت
هنا وصلة جديله بچف طفل مبتور
هنا تربة صلاه والدم عليهه هلال
هنا مصحف جلاله من العصف منشور
هنا صرخة نثايه تشتِتٓت بالريح
على جثه تململ من چلب مسعور
قامت والمنايه تدور فوگ الروس
صفنت رحى الگاع ورحى الموت تدور
قامت من دخيلك ياعلي الكرار
مو هاي القيامه إلمن بعد مذخور