خواطر حزينة....... سعاد كرير ساسي الأحتياج لشخص في فترة معينة من حياتك ممكن يحول حياتك لجحيم لو الشخص ده اتنازل عنك وسابك نص الطريق ... جواك فراغ كبير مليته بيه بس هو سابك وعنده بديل ليك تاني يملئ الفراغ اللي انت فاكر نفسك سيبته فيه ... كل الناس بيشوفوا
الأحتياج لشخص في فترة معينة من حياتك ممكن يحول حياتك لجحيم لو الشخص ده اتنازل عنك وسابك نص الطريق ... جواك فراغ كبير مليته بيه بس هو سابك وعنده بديل ليك تاني يملئ الفراغ اللي انت فاكر نفسك سيبته فيه ... كل الناس بيشوفوا الحاجه اللي تبسطهم محدش حيفكر دي حتبسطك او حترتاح فيها ولا لأ..... محدش بياخد باله وهو بيضغطك بس بياخدوا بالهم لما تتغير ... ومحدش بياخد باله وهو بيجرحك بس بياخدوا بالهم لو بقيت عصبي ... محدش بياخد باله وهو بيصغرك بس بياخدوا بالهم وانت مبتهتمش بيهم .. كل واحد بياخد باله باللي يهمه مش يهمك ومن اللي بيأذيه هو بس مش اللي بيأذيك انت .. فكر كده لو مت انهارده حيحصل حاجه ؟ ... عادي جدا حيفتكروك بالخير ده لو افتكروك .. بس محدش حيموت عشانك ... ممكن تكون معاك كل الناس بس حاسس بالوحدة........ راحة البال عمرها ما كانت في إنسان او فلوس ... راحة البال أكبر نعمة من ربنا حافظ عليها لو راحت مش حترجع تاني ... فيه اللي يكون وجوده في حياتك علامة فارقة، وفيه اللي بيكون علامة فارغة، فاختار الشخص الحقيقي، واحذر من الصداقة المزيفة...... وفي حاجات كده ممكن في الأول تفتكر انك خسرت الدنيا كلها لما تخسرها و مش حتعرف تعيش من غيرها.....