Fatima Al-Laithi عود ليش ؟ ..
Fatima Al-Laithi
عود ليش ؟ ..
عود ليش استاحشك ليلة إمسامر وانتَ بعدك ما رحت ..
عود ليش عيوني يترسهه السواد
تفيض دمعة وغفلة يمليهه الوكت
وحشة كلش بيهة الف ليش وسوالف گلت ماسولفهن ويمكن تبت ..
انت يمي وتختنگ روحي عليك وحايرة بيك وصدگ بيك إتعبت
روحي تسألني عليك وتنگلب روحي شماتة وشرد اگلهه وشتمّت
شتّمت ساعة وصالك كافي يمعود متت ..
چنت اشوفك عافية بهمسة زلال وچنت احسك ايد تاخذني وتهت ..
تريد اغنيلك اغاني؟ و دوريتو و دورينه
خوية غازي (الشاعر الكبير غازي ثجيل) انت چنت تگول اسمعك (عيني همه شلون واحد ينسه عينه؟)
اي ينسه عينه وتيبس چفوف المدينة
وصلفة عينه ... يفوت فوگ ثياب عمري وهيچ تاليهه صفينه..
چنت الوليله بحضن چفي واغطيه إعله شفة ليل ماضايگ حچينه ..
وچنت ابشر روحي غناوة سلام وتنرسم بيه ملامح راسمتهه اثنين ادينه ... وعود ليش؟ وعود ليش؟..
انه حبيتك مثل دلول امي وطعم نعناع وترافة شوشليه وزحمة چفوف التدگ للمايجينه ..
توسلت بيك وتوسدتك مخدة ريش چنهه تطير بينه
دگت الساعة الوكت لملم إبساطة وخايفة الغبشة تطشرنه گبل وكت البدينه .
عود ليش ؟ ..
عود ليش استاحشك ليلة إمسامر وانتَ بعدك ما رحت ..
عود ليش عيوني يترسهه السواد
تفيض دمعة وغفلة يمليهه الوكت
وحشة كلش بيهة الف ليش وسوالف گلت ماسولفهن ويمكن تبت ..
انت يمي وتختنگ روحي عليك وحايرة بيك وصدگ بيك إتعبت
روحي تسألني عليك وتنگلب روحي شماتة وشرد اگلهه وشتمّت
شتّمت ساعة وصالك كافي يمعود متت ..
چنت اشوفك عافية بهمسة زلال وچنت احسك ايد تاخذني وتهت ..
تريد اغنيلك اغاني؟ و دوريتو و دورينه
خوية غازي (الشاعر الكبير غازي ثجيل) انت چنت تگول اسمعك (عيني همه شلون واحد ينسه عينه؟)
اي ينسه عينه وتيبس چفوف المدينة
وصلفة عينه ... يفوت فوگ ثياب عمري وهيچ تاليهه صفينه..
چنت الوليله بحضن چفي واغطيه إعله شفة ليل ماضايگ حچينه ..
وچنت ابشر روحي غناوة سلام وتنرسم بيه ملامح راسمتهه اثنين ادينه ... وعود ليش؟ وعود ليش؟..
انه حبيتك مثل دلول امي وطعم نعناع وترافة شوشليه وزحمة چفوف التدگ للمايجينه ..
توسلت بيك وتوسدتك مخدة ريش چنهه تطير بينه
دگت الساعة الوكت لملم إبساطة وخايفة الغبشة تطشرنه گبل وكت البدينه .