ابو مهند الجابري · هم تذكر يصاحب يوم جان الطار قصيدة للشاعر نعمه الملا عبد الله الزيدي نعيد نشرها تلبية لطلب عدد من الاخوة اهالي الطار مع قبول خالص تقديرنا
ابو مهند الجابري
·
هم تذكر يصاحب يوم جان الطار
قصيدة للشاعر نعمه الملا عبد الله الزيدي
نعيد نشرها تلبية لطلب عدد من الاخوة اهالي الطار
مع قبول خالص تقديرنا
هم تذكر يصاحب يوم جان الطار دكاكينه سطر ومجابله الحفار
دكاكينه سطر والماي يامحلاه وتذكر حجي ﮔاطع شبـﭼـه من نصباه
مااعتقد ذاك الوكت هم ننساه يظل بـﮕلوبنه يفلان هم تذكار
هم تذكر صفاة السمـﭻ والدلال والعجود البلاش الحيل ماتنشال
وصحين وﮔـهوته الـﭽنه بيه اطفال راحت وانـﮕظت وانطوت بيها اعمار
ماانسه الاذان بغير سماعات ابو ﮔاطع يصيح المن البنيات
وشيرون اليسجل لطاﮔـه خشنيات ام هادي من الشلوﮔـه سجللها اكوار
هم تذكر يصاحب من تمر بالسوﮒ ماتـﮕـدر تطره من البشر مخنوﮒ
البني والصبور شنوﮒ فوﮒ شنوﮒ مايحتار واحد من يجيه خطار
ماأنسه بخيه ويمها ذاك جعاز نفط ابيض تبيع تـﮕول هذا الـﮕاز
بدربك على مطشر لو ﭽنت معتاز فاله وي المساحي ومنجل ومسمار
ﮔـهاوي الطار كلها مرتبه ترتيب خضير يمه غالي وﮔـهوة ال ﭽليب
نومي ولبلبي بـﮕهوة علي ال عطيب لنص الليل هالوادم عليه جرار
مهدي هم تذكره وصورة عيونه واخوه ياسين طيب من يذكرونه
الف رحمه على روحـﭻ عمتي ام نونه هله ومية هله لو شخص طب الطار
المعيبر تذكره من يصيح فهود والبلامه المجدمه محملات عجود
وصرايفنه المسيسه اليلط بيها الزود الثريه من تجينه نصيح ياستار
ابو جاسم حبيب اصحاب سيارات بس اثنينهن بالطار موجودات
فرحنه هواي من طبت الشختورات ﮔمنه نروح بيهن نوصل الحمار
مخفرنه الـﭼبير وبابه وزنه طنون وبيه سيد خلف يحكم على القانون
اليخالف انت احسبه من الصبح مسجون وضيدان اليبلغ بيده وده احضار
ابن فدعم عويد بالذبح فنان يذبح للسمينه موش ياهو الـﭼان
بربع دينار باﭼـه وفوﮔـهه الكرعان والكرشه حجزها اجبير ال ﮔزار
ﭼم خياط احسب ذوله هل عدنه جاسم وي هاشم ذوله سادتنه
مغامس يمه ناصر كلهم اخوتنه والثوب التعطل لان ماكو زرار
هم دره تمر عليك وي داود والدكان ذاك الكلشي بيه موجود
ﮔظت ذيـﭻ الايام ومااظنه تعود انطوت صفحة عمرنه وبيها حفنه اسرار
هم تذكر الـﭼالي الـﭼنه ﭼالي الكوت هم تذكر عبد وحسين ابن حلبوت
ودوه النشله ابساطي الطار هم منعوت وزريه ودواها بدون ماتحتار
هم تذكر كراج السفن وي الريك وصوت الزايرات همومك تنسيك
ابو كامل نسيته من يجيب الكيك واهل الطار صاحت هذا طيب حار
لاهل الطار مدرسة الوطن عنوان بيها استاد فيصل صبري وي علوان
والغايب يصيح دخيل ياديوان والعصه على جتفه تكول جدحة نار
اخبرك صار عدنه بالسلف حداد والمنجل يوشره محمد ال زناد
ابو عدنان يندف خوش عنده مخاد والدوشك كطن ابيض من الجمار
سيد موسى عنده من المحال هواي التتن احسن تتن والـﭼاي احسن ﭼاي
تلـﮕاه مبتشر لو مر عليه شراي وللمعتاز ﭼم مره ينزل اسعار
خبير وباللغه يحسن بحرف الضاد ومن يصعد المنبر تجتمعله اعداد
لا تنساه يصاحب ذاك مله جواد عنده بالقرايه موش طور اطوار
الغداي اشري خضيري وباﭼر اشري بطوط البني ياحلاته لو يبس مصموط
يم نايف اذا بردان ﭼم قبوط مسجل عليهن صنع بالعشار
ابو ندوه سمين وﭼان عنده احباط وﭼلاب انه اذكره اضعيف يلبس قاط
ظل سيد خلف قماش هم خياط والبازه بربع لو ردت منها اختار
ابيوت الطار كلها من ﮔصب من طين واخر بيت اذكره خالد ابن ﮔنين
هذي ذكريات اثمانيه وستين من ﭼانت تجي سفرات للاهوار
الشاعر/ نعمه الملا عبد الله الشيخ عبد المنعم
·
هم تذكر يصاحب يوم جان الطار
قصيدة للشاعر نعمه الملا عبد الله الزيدي
نعيد نشرها تلبية لطلب عدد من الاخوة اهالي الطار
مع قبول خالص تقديرنا
هم تذكر يصاحب يوم جان الطار دكاكينه سطر ومجابله الحفار
دكاكينه سطر والماي يامحلاه وتذكر حجي ﮔاطع شبـﭼـه من نصباه
مااعتقد ذاك الوكت هم ننساه يظل بـﮕلوبنه يفلان هم تذكار
هم تذكر صفاة السمـﭻ والدلال والعجود البلاش الحيل ماتنشال
وصحين وﮔـهوته الـﭽنه بيه اطفال راحت وانـﮕظت وانطوت بيها اعمار
ماانسه الاذان بغير سماعات ابو ﮔاطع يصيح المن البنيات
وشيرون اليسجل لطاﮔـه خشنيات ام هادي من الشلوﮔـه سجللها اكوار
هم تذكر يصاحب من تمر بالسوﮒ ماتـﮕـدر تطره من البشر مخنوﮒ
البني والصبور شنوﮒ فوﮒ شنوﮒ مايحتار واحد من يجيه خطار
ماأنسه بخيه ويمها ذاك جعاز نفط ابيض تبيع تـﮕول هذا الـﮕاز
بدربك على مطشر لو ﭽنت معتاز فاله وي المساحي ومنجل ومسمار
ﮔـهاوي الطار كلها مرتبه ترتيب خضير يمه غالي وﮔـهوة ال ﭽليب
نومي ولبلبي بـﮕهوة علي ال عطيب لنص الليل هالوادم عليه جرار
مهدي هم تذكره وصورة عيونه واخوه ياسين طيب من يذكرونه
الف رحمه على روحـﭻ عمتي ام نونه هله ومية هله لو شخص طب الطار
المعيبر تذكره من يصيح فهود والبلامه المجدمه محملات عجود
وصرايفنه المسيسه اليلط بيها الزود الثريه من تجينه نصيح ياستار
ابو جاسم حبيب اصحاب سيارات بس اثنينهن بالطار موجودات
فرحنه هواي من طبت الشختورات ﮔمنه نروح بيهن نوصل الحمار
مخفرنه الـﭼبير وبابه وزنه طنون وبيه سيد خلف يحكم على القانون
اليخالف انت احسبه من الصبح مسجون وضيدان اليبلغ بيده وده احضار
ابن فدعم عويد بالذبح فنان يذبح للسمينه موش ياهو الـﭼان
بربع دينار باﭼـه وفوﮔـهه الكرعان والكرشه حجزها اجبير ال ﮔزار
ﭼم خياط احسب ذوله هل عدنه جاسم وي هاشم ذوله سادتنه
مغامس يمه ناصر كلهم اخوتنه والثوب التعطل لان ماكو زرار
هم دره تمر عليك وي داود والدكان ذاك الكلشي بيه موجود
ﮔظت ذيـﭻ الايام ومااظنه تعود انطوت صفحة عمرنه وبيها حفنه اسرار
هم تذكر الـﭼالي الـﭼنه ﭼالي الكوت هم تذكر عبد وحسين ابن حلبوت
ودوه النشله ابساطي الطار هم منعوت وزريه ودواها بدون ماتحتار
هم تذكر كراج السفن وي الريك وصوت الزايرات همومك تنسيك
ابو كامل نسيته من يجيب الكيك واهل الطار صاحت هذا طيب حار
لاهل الطار مدرسة الوطن عنوان بيها استاد فيصل صبري وي علوان
والغايب يصيح دخيل ياديوان والعصه على جتفه تكول جدحة نار
اخبرك صار عدنه بالسلف حداد والمنجل يوشره محمد ال زناد
ابو عدنان يندف خوش عنده مخاد والدوشك كطن ابيض من الجمار
سيد موسى عنده من المحال هواي التتن احسن تتن والـﭼاي احسن ﭼاي
تلـﮕاه مبتشر لو مر عليه شراي وللمعتاز ﭼم مره ينزل اسعار
خبير وباللغه يحسن بحرف الضاد ومن يصعد المنبر تجتمعله اعداد
لا تنساه يصاحب ذاك مله جواد عنده بالقرايه موش طور اطوار
الغداي اشري خضيري وباﭼر اشري بطوط البني ياحلاته لو يبس مصموط
يم نايف اذا بردان ﭼم قبوط مسجل عليهن صنع بالعشار
ابو ندوه سمين وﭼان عنده احباط وﭼلاب انه اذكره اضعيف يلبس قاط
ظل سيد خلف قماش هم خياط والبازه بربع لو ردت منها اختار
ابيوت الطار كلها من ﮔصب من طين واخر بيت اذكره خالد ابن ﮔنين
هذي ذكريات اثمانيه وستين من ﭼانت تجي سفرات للاهوار
الشاعر/ نعمه الملا عبد الله الشيخ عبد المنعم