Aisha Ahmed · #من وحي الصورة
Aisha Ahmed
·
#من وحي الصورة
انا كنت ماشي يا جماعة كدهوه وبعدين روحت لستي في الحاره قعدت تحكي معايا وحلفتلي يمين انها شافت في منامها ثلاث بنانيت واقعين قال اية فى دباديبي،قولتلها د مناماتك دايما بتحقق يا ستي يا حياتي ارجوكي قوليلي طب هقابلهم فين قالتلي ولا اعرف وحياتك كل الي شوفته حكيته يا ابني هما تلاته قرايب يمكن يا حماده قمرات واخر شياكه واناقه شربات شربات ومشيت من يومها الف وادور على 3 بنانيت صحاب قمرات ، لحد مشوفت تلاته ماشيين في السكه تايهين وقالولي من فضلك ممكن توصلنا لحد البيت اصل السكه طويله علينا والشباب رايحه وجايه علينا بيعاكسونا كدهوه يرضيك.... مسكت واحده وشدت ايدي قال بتخاف من الضلمه والاتنين ماشين قدامنا قالتلي انت بجد حقيقي جنتل وبرفانك اووه بجد ده يهبل وبصتلي وغمزت بعينيها انا طبيت اه يا قلبي ده نظرتها ده بحر غويط وفي ثانيه اشتعلقت التانية راحت سابتني الاَولي وبصت لها بصه مغلوله
وقالتلي اسم حماده ده عزيز على قلبي انا شكلي بيك هتعلق دانت جميل اوي بزيادة انا توهت وعيني زاغت انا ايه بيحصلي يا اخواتي معقوله هحب ثلاثة، بصيت للتالته ومستني تيجي تقولي ايتوها حاجه لكن د التقل شكله
هيتعبني معاها قربت منها اغازلها لقيتها بتبص لي بصه مش هيه جريت اسحب نفسي ورجعت للتانين دوغري ومشيت وياهم ولا فاهم انا رايح فين بتاخدني رجليه زي م موخداهم لحد ملقىتني في بيت ودي تقولي وحياتك تدخل ابويا وامي فالبيت متخفش والتانية تقولي عشان خاطري والتآلته ولا سألت عني ودخلت البيت وانا حاسس اني انا مسحوب زي الطور في الساقيه وعقلي متأخد مني ودي دخلت دوغري وجبتلي عصير ودي قاعده تبص وتتنهد ياختي يا حلوه
وانا فجأه كده ولامواخذة سمعت صويت وأصوات متقولش اتعملت حفله في البيت ولقيت فجأه 3 رجاله و3 ستات كمان يا حلاوه قعدوا وقالولي سعيده شرفت البيت وبجد انت يا ابني ناوي تجوز بناتنا التلاته في نفس البيت قولتلهم مين ده الي يجوز وتلاته مين وانا فجأه اتدبست وتجوزت تلاته ولقيت ماذون بيكتب في شهادة وانا زي الطَوبه مش فاهم ولا حاجه و3 رجاله بشنبات قاعدين باصين والشر ناطط في عينيهم بيني وبينكم قولت يا واد يا حماده حقك تفرح ولو تقدر تزغرط يبقى ياريت وفجأة في عز الفرحه وقلبي عمال يرقص ومشغل اغنية يا حلاوه عليك لقيت الدنيا بتضلَم ومنيش شايف حتى ايديه والتلات بنانيت قاعدين عالكرسي بيضحكوا عليه وانا متلخبط فجأه ببص لقيت وحده مسكت في ايديه ودي مالها إيديها قلبت خشبه وفجأه النور نور تاني والاقيلك ايه يا مصيبتي السوده يا خواتي عروساتي اتقلبوا هياكل عظمية عفاريت دول ولا ياخويا دول ميتين انا خدت ديلي في سناني وقولت يا فيكيك ودول ضحكتهم خرمت ودني عيب بقى كده عيب راح فين الباب يا حماده والبيت فجأه مبقاش بابواب ده اتحول يا جماعة لأربع جدران والكل اتلم حواليه وفيا يشد وانا ركبي سابت وخلاص هيغمي عليه يخربيتك انتي وهي ادعي على مين انا دلوقتي على ستي يالهوي دستي ماتت وانا في الابتدائية يبقى ده حلم يا واد يا حماده وصحيت من الحلم وانا مش شايف أدامي وببص لقيت دول قاعدين على الكرسي يا مصيبتي اه يا مصيبتي
#مماكتبت
#روزا
·
#من وحي الصورة
انا كنت ماشي يا جماعة كدهوه وبعدين روحت لستي في الحاره قعدت تحكي معايا وحلفتلي يمين انها شافت في منامها ثلاث بنانيت واقعين قال اية فى دباديبي،قولتلها د مناماتك دايما بتحقق يا ستي يا حياتي ارجوكي قوليلي طب هقابلهم فين قالتلي ولا اعرف وحياتك كل الي شوفته حكيته يا ابني هما تلاته قرايب يمكن يا حماده قمرات واخر شياكه واناقه شربات شربات ومشيت من يومها الف وادور على 3 بنانيت صحاب قمرات ، لحد مشوفت تلاته ماشيين في السكه تايهين وقالولي من فضلك ممكن توصلنا لحد البيت اصل السكه طويله علينا والشباب رايحه وجايه علينا بيعاكسونا كدهوه يرضيك.... مسكت واحده وشدت ايدي قال بتخاف من الضلمه والاتنين ماشين قدامنا قالتلي انت بجد حقيقي جنتل وبرفانك اووه بجد ده يهبل وبصتلي وغمزت بعينيها انا طبيت اه يا قلبي ده نظرتها ده بحر غويط وفي ثانيه اشتعلقت التانية راحت سابتني الاَولي وبصت لها بصه مغلوله
وقالتلي اسم حماده ده عزيز على قلبي انا شكلي بيك هتعلق دانت جميل اوي بزيادة انا توهت وعيني زاغت انا ايه بيحصلي يا اخواتي معقوله هحب ثلاثة، بصيت للتالته ومستني تيجي تقولي ايتوها حاجه لكن د التقل شكله
هيتعبني معاها قربت منها اغازلها لقيتها بتبص لي بصه مش هيه جريت اسحب نفسي ورجعت للتانين دوغري ومشيت وياهم ولا فاهم انا رايح فين بتاخدني رجليه زي م موخداهم لحد ملقىتني في بيت ودي تقولي وحياتك تدخل ابويا وامي فالبيت متخفش والتانية تقولي عشان خاطري والتآلته ولا سألت عني ودخلت البيت وانا حاسس اني انا مسحوب زي الطور في الساقيه وعقلي متأخد مني ودي دخلت دوغري وجبتلي عصير ودي قاعده تبص وتتنهد ياختي يا حلوه
وانا فجأه كده ولامواخذة سمعت صويت وأصوات متقولش اتعملت حفله في البيت ولقيت فجأه 3 رجاله و3 ستات كمان يا حلاوه قعدوا وقالولي سعيده شرفت البيت وبجد انت يا ابني ناوي تجوز بناتنا التلاته في نفس البيت قولتلهم مين ده الي يجوز وتلاته مين وانا فجأه اتدبست وتجوزت تلاته ولقيت ماذون بيكتب في شهادة وانا زي الطَوبه مش فاهم ولا حاجه و3 رجاله بشنبات قاعدين باصين والشر ناطط في عينيهم بيني وبينكم قولت يا واد يا حماده حقك تفرح ولو تقدر تزغرط يبقى ياريت وفجأة في عز الفرحه وقلبي عمال يرقص ومشغل اغنية يا حلاوه عليك لقيت الدنيا بتضلَم ومنيش شايف حتى ايديه والتلات بنانيت قاعدين عالكرسي بيضحكوا عليه وانا متلخبط فجأه ببص لقيت وحده مسكت في ايديه ودي مالها إيديها قلبت خشبه وفجأه النور نور تاني والاقيلك ايه يا مصيبتي السوده يا خواتي عروساتي اتقلبوا هياكل عظمية عفاريت دول ولا ياخويا دول ميتين انا خدت ديلي في سناني وقولت يا فيكيك ودول ضحكتهم خرمت ودني عيب بقى كده عيب راح فين الباب يا حماده والبيت فجأه مبقاش بابواب ده اتحول يا جماعة لأربع جدران والكل اتلم حواليه وفيا يشد وانا ركبي سابت وخلاص هيغمي عليه يخربيتك انتي وهي ادعي على مين انا دلوقتي على ستي يالهوي دستي ماتت وانا في الابتدائية يبقى ده حلم يا واد يا حماده وصحيت من الحلم وانا مش شايف أدامي وببص لقيت دول قاعدين على الكرسي يا مصيبتي اه يا مصيبتي
#مماكتبت
#روزا