كتب أشرف البنا- ناحية شمال
متمدد ليه على ناحية شمال
المعدول مال ؟
مايل يانباهة بقاله سنين
أتعلم بقى واعدل نفسك
على ناحية يمين
اتخلص من توب الصاحيين
استقبل صدرك بالقبلة
أرمي النبلة
كفاياك تنشين
بداية الموت
ضلمة وتعتيم
وبتسرق حتما ضى العين
هو أنت غشيم
ابدأها سكوت
هو أنت يا صاحبى جديد ع الموت
بتموت ف الغيط
بتموت ف البيت
بتموت من ضحكة بقلب حزين
ويوماتى بتحسب ف التوابيت
هو أنت عبيط
دايما ف سؤالك عن أرضك
انت عاشقها ؟
بتقول والله باموت فيها
ودمايا ترشرش نواحيها
طيب ماتموت
معرفتش تختار العيشة
اختار الموت
مستنظر إيه ؟
مستنى حداد من ناس صاحيين
دول مش عايشين
وحدادك وياهم يومى
واقرا الجرانين
محشور دايما بين شطاطة
وعودين كبريت
ألحق لك عرض .. من العشرين
عرض خيالى
إسمك هيلعلع ف التأبين
ألحق ياللا ... وبلاش تفريط
عرض الحرق .. وعرض الغرق
وبعد مداولة .. عرض الشنق
ومعايا كمان عرض التوفير
العرض جديد
حارس زنهار
ف صلاة الفجر
بقلب حديد
وتصيبك فجأة رصاصة غدر
وتبقى شهيد
إسمك يتنقرش ع النياشين
والكل هيتلهف سيرتك
أهل الشارع والصحفيين
هيقولوا يا عينى
راح الواد أبو دم خفيف
أبو قلب نضيف
والقلم المقصوف على سنه
بيدور طواحين التأليف
ويقول راح الواد الغلبان
اللى مخترش الموت بالكيف
ده أصله رديف
أبو دم خفيف
أبو دم رخيص
ده يدوبك كان بفيصل بدلة
ويبقى عريس
قتلوه الخونة وراح دمه
من عيل سيس
مستنظر إيه ؟
اختار لك عرض من العشرين
#أشرف_البنا
المعدول مال ؟
مايل يانباهة بقاله سنين
أتعلم بقى واعدل نفسك
على ناحية يمين
اتخلص من توب الصاحيين
استقبل صدرك بالقبلة
أرمي النبلة
كفاياك تنشين
بداية الموت
ضلمة وتعتيم
وبتسرق حتما ضى العين
هو أنت غشيم
ابدأها سكوت
هو أنت يا صاحبى جديد ع الموت
بتموت ف الغيط
بتموت ف البيت
بتموت من ضحكة بقلب حزين
ويوماتى بتحسب ف التوابيت
هو أنت عبيط
دايما ف سؤالك عن أرضك
انت عاشقها ؟
بتقول والله باموت فيها
ودمايا ترشرش نواحيها
طيب ماتموت
معرفتش تختار العيشة
اختار الموت
مستنظر إيه ؟
مستنى حداد من ناس صاحيين
دول مش عايشين
وحدادك وياهم يومى
واقرا الجرانين
محشور دايما بين شطاطة
وعودين كبريت
ألحق لك عرض .. من العشرين
عرض خيالى
إسمك هيلعلع ف التأبين
ألحق ياللا ... وبلاش تفريط
عرض الحرق .. وعرض الغرق
وبعد مداولة .. عرض الشنق
ومعايا كمان عرض التوفير
العرض جديد
حارس زنهار
ف صلاة الفجر
بقلب حديد
وتصيبك فجأة رصاصة غدر
وتبقى شهيد
إسمك يتنقرش ع النياشين
والكل هيتلهف سيرتك
أهل الشارع والصحفيين
هيقولوا يا عينى
راح الواد أبو دم خفيف
أبو قلب نضيف
والقلم المقصوف على سنه
بيدور طواحين التأليف
ويقول راح الواد الغلبان
اللى مخترش الموت بالكيف
ده أصله رديف
أبو دم خفيف
أبو دم رخيص
ده يدوبك كان بفيصل بدلة
ويبقى عريس
قتلوه الخونة وراح دمه
من عيل سيس
مستنظر إيه ؟
اختار لك عرض من العشرين
#أشرف_البنا