عفاف أحمد التركى - كاسين ويسكى
اعوذ بالله ...
من شر يوم راح اشوفكوا فيه بدون اقنعة
واعرف حقايقكوا..
اللي طافح منها ريحة شمّاتين
مش مبدعة ..
.ولا فيها طٌهر الصورة في خيالي
ولا فيها فكرة بـ مليمين..
ولا تسوي حتي تعب الاسئلة ..
عن حالكوا ..مالكوا ؟
وفينكوا كنتوا ؟ وكنتوا فين ؟
الدمعة صاحبة مخلصة ؟.. غيركم
وانتوا اللي عاملين مخلصين
بتعزّ ايوه ..لكنّها بتسأل ..
علشان وجودها مفترض من حين لحين
وانتوا اللي ممكن اشوف وشكم ..
بيغشّكم ..
وكل عين فيكم تكذّب شايفه مين
اعوذ بالله..
من قلوب خادعة ..مالهاش عزيز
بتبيع شاريها بالرخيص ..
وتقدّر اللي مالوش تمن ..
ذنبك دفعت مقدما .. كل السنين
بيقسّطوك ..بينقّطوك.. بكلام كده
اتقل وسيبك منهّم ..الله الغني
قال يعني لو حبّوك خلاص راح تغتني
وحدك بتخسر ..بس علي كيفك
وعزيز قلبك بيحن ع الفاضي
عايش تراضي الكل ..من جوّاك
بتجري منّك لوحدك..
طب يعني خدني معاك
تفتكر لو عدي يوم وما شوفتنيش
هانساك..؟؟
جايز شوية زعل ..
اتكاتروا ع الصورة
بيفٌضوا بيني وبين وجع قلبي.. اشتباك
او يجوز نظارتي مكسورة ..
بقت تورّي الحقيقة مٌجردة ..للعين
اعوذ بالله ..
يا سمّاعين قولي ونازلين تريقة
وبتعلنوا محاكمة مشاعري ..ع الملأ
ومجهّزين المشنقة ..
يلعن ابو اللي يقسم معاكوا دموع ..
وبيطيّب في مين موجوع..
ويتكلم ومش مسموع ..
وهمومكوا فيه..متعشّقة..
باغَـه..وصَـدف ..
منقوش بخطّي ..
اللي خطّي العتبة من يومه
ومزيناه بالعند فيكم .. بـ روح
ومضمخّاه بالمسك ..لأجل يفوح
ومفبركاه علي اردواز ونحاس
ومبسملاه..بصدر سورة الناس
ومعلقاه.. علي جثة ارابيسكي
انا اللي اقصي ذنب ما عملتوش
بــ اعزم خيالي علي كاسين ويسكي
وكأن اخر ما في وسعنا ..
..نبعبع
وكأن اخر ما في وسعنا ....
ندمّع ..
بس ما بنسكرش. ..
او لحسن حظّوكوا
كان النبيت مغشوش .
ــــــــــــــــــــــــــــــــــــــــــــــــــــــــــــــــ
شعر \ عفاف التركي
# كاسين ويسكي
من شر يوم راح اشوفكوا فيه بدون اقنعة
واعرف حقايقكوا..
اللي طافح منها ريحة شمّاتين
مش مبدعة ..
.ولا فيها طٌهر الصورة في خيالي
ولا فيها فكرة بـ مليمين..
ولا تسوي حتي تعب الاسئلة ..
عن حالكوا ..مالكوا ؟
وفينكوا كنتوا ؟ وكنتوا فين ؟
الدمعة صاحبة مخلصة ؟.. غيركم
وانتوا اللي عاملين مخلصين
بتعزّ ايوه ..لكنّها بتسأل ..
علشان وجودها مفترض من حين لحين
وانتوا اللي ممكن اشوف وشكم ..
بيغشّكم ..
وكل عين فيكم تكذّب شايفه مين
اعوذ بالله..
من قلوب خادعة ..مالهاش عزيز
بتبيع شاريها بالرخيص ..
وتقدّر اللي مالوش تمن ..
ذنبك دفعت مقدما .. كل السنين
بيقسّطوك ..بينقّطوك.. بكلام كده
اتقل وسيبك منهّم ..الله الغني
قال يعني لو حبّوك خلاص راح تغتني
وحدك بتخسر ..بس علي كيفك
وعزيز قلبك بيحن ع الفاضي
عايش تراضي الكل ..من جوّاك
بتجري منّك لوحدك..
طب يعني خدني معاك
تفتكر لو عدي يوم وما شوفتنيش
هانساك..؟؟
جايز شوية زعل ..
اتكاتروا ع الصورة
بيفٌضوا بيني وبين وجع قلبي.. اشتباك
او يجوز نظارتي مكسورة ..
بقت تورّي الحقيقة مٌجردة ..للعين
اعوذ بالله ..
يا سمّاعين قولي ونازلين تريقة
وبتعلنوا محاكمة مشاعري ..ع الملأ
ومجهّزين المشنقة ..
يلعن ابو اللي يقسم معاكوا دموع ..
وبيطيّب في مين موجوع..
ويتكلم ومش مسموع ..
وهمومكوا فيه..متعشّقة..
باغَـه..وصَـدف ..
منقوش بخطّي ..
اللي خطّي العتبة من يومه
ومزيناه بالعند فيكم .. بـ روح
ومضمخّاه بالمسك ..لأجل يفوح
ومفبركاه علي اردواز ونحاس
ومبسملاه..بصدر سورة الناس
ومعلقاه.. علي جثة ارابيسكي
انا اللي اقصي ذنب ما عملتوش
بــ اعزم خيالي علي كاسين ويسكي
وكأن اخر ما في وسعنا ..
..نبعبع
وكأن اخر ما في وسعنا ....
ندمّع ..
بس ما بنسكرش. ..
او لحسن حظّوكوا
كان النبيت مغشوش .
ــــــــــــــــــــــــــــــــــــــــــــــــــــــــــــــــ
شعر \ عفاف التركي
# كاسين ويسكي