سلطان الفيصل ال سعود دخيل الغلا اللي راح واللي وقف مرتاب بسميه عشق وانت مدري وش تسميه
سلطان الفيصل ال سعود
دخيل الغلا اللي راح واللي وقف مرتاب
بسميه عشق وانت مدري وش تسميه
ودخيل العيون اللي عليها الحلا جذاب
اشوف الموت فيهن ولاادري وش تاليه
دخيل الوقت اللي جمعنا وله واعجاب
اذا لي معزه طاري الجفا لاتطريه
لو شفت وضعي عند ما تلتقي الاهداب
لك الله لو لك نيتن بالجفا تلغيه
انا وانت غايب كن وسط العيون تراب
تنام الخلايق ولاانا النوم مالي فيه
ذبحني غلاك اللي سرى مثل سم الداب
طفح بالعروق وكل مايلاقيه ينهيه
بقى قلبي اللي ماذبحته وهو منصاب
انا ادري تستوطنه يومك مخليه
سكنته وهو عمره قفل بالوجيه الباب
انا اعرف قلبي لاعشق مارحم واليه
يجي كله من اقصاه ويعشقك بااستغراب
وفا فيه مامنه بالبشر ليتك تداريه
ترفق على قلبن تلوع بك ولاتاب
مصيبتك تدري بس ليه الجفا ليه
دخيل الجمال اللي تلتفت له الارقاب
وانا اللي لفتني طبعك وجيتك مباريه
تمعنت فيك وجيت هايب وانا مااهاب
ولااقفيت عنك الاانا وهالقلب معطيه
عليك العيون اللي بقلبي مثل غرز الناب
ضعيفات خلق بس ياويل من تنويه
ولك نور وجهن كن لك بالنجوم انساب
وليلن عجز من طول شوقي لايحكيه
ولك مبسمن ماكنه الا شفق الغياب
حمارن من الله جمر من ولعه ناسيه
عبث وانت مقبل تستفز وتثير اعصاب
تبي تلفت الانظار مناك لين منيييييييه
وعبث وانتي مقفي تاخذ وتكسر الالباب
عبث جاهلن توه مشى ف بيت من يغليه
دخيلك على بعضك ولاهي بدعوه عتاب
تعيد النظر ف الجفا من قبل لاتبديه
عليك الله اكبر وحكمك شريعه غاب
تجيب الطعون فشوقك وخافقي تدميه
وانا اموت فيك وصال واموت غياب
وهي موتن وحده مع فارق التشبيه
احبك ايه احبك ومن حبك مالي اصحاب
اذا عاتبوني فيك وعتابهم ماابيه
احبك ولاتسال حبيبي عن الاسباب
انا لو اعرف اسباب حبك قدرت انهيه
الا يامعرض قلب مغليك لجمر لهاب
تراك تفرج الهم ولو انت راعيه
انا بسالك؟؟هو صحيح الهوى غلاب
انا بنصح اللي شرواي لايمشيه
واذا فيه بكتاب النحو للجفا اعراب
فهو فعلن مطلق بي والصد ماضيه
ايا ياليت ربي ماكتب بالغرام غياب
واذا في فرقا دخيلك قلبي لاتبتليه
دخيل الغلا اللي راح واللي وقف مرتاب
بسميه عشق وانت مدري وش تسميه
ودخيل العيون اللي عليها الحلا جذاب
اشوف الموت فيهن ولاادري وش تاليه
دخيل الوقت اللي جمعنا وله واعجاب
اذا لي معزه طاري الجفا لاتطريه
لو شفت وضعي عند ما تلتقي الاهداب
لك الله لو لك نيتن بالجفا تلغيه
انا وانت غايب كن وسط العيون تراب
تنام الخلايق ولاانا النوم مالي فيه
ذبحني غلاك اللي سرى مثل سم الداب
طفح بالعروق وكل مايلاقيه ينهيه
بقى قلبي اللي ماذبحته وهو منصاب
انا ادري تستوطنه يومك مخليه
سكنته وهو عمره قفل بالوجيه الباب
انا اعرف قلبي لاعشق مارحم واليه
يجي كله من اقصاه ويعشقك بااستغراب
وفا فيه مامنه بالبشر ليتك تداريه
ترفق على قلبن تلوع بك ولاتاب
مصيبتك تدري بس ليه الجفا ليه
دخيل الجمال اللي تلتفت له الارقاب
وانا اللي لفتني طبعك وجيتك مباريه
تمعنت فيك وجيت هايب وانا مااهاب
ولااقفيت عنك الاانا وهالقلب معطيه
عليك العيون اللي بقلبي مثل غرز الناب
ضعيفات خلق بس ياويل من تنويه
ولك نور وجهن كن لك بالنجوم انساب
وليلن عجز من طول شوقي لايحكيه
ولك مبسمن ماكنه الا شفق الغياب
حمارن من الله جمر من ولعه ناسيه
عبث وانت مقبل تستفز وتثير اعصاب
تبي تلفت الانظار مناك لين منيييييييه
وعبث وانتي مقفي تاخذ وتكسر الالباب
عبث جاهلن توه مشى ف بيت من يغليه
دخيلك على بعضك ولاهي بدعوه عتاب
تعيد النظر ف الجفا من قبل لاتبديه
عليك الله اكبر وحكمك شريعه غاب
تجيب الطعون فشوقك وخافقي تدميه
وانا اموت فيك وصال واموت غياب
وهي موتن وحده مع فارق التشبيه
احبك ايه احبك ومن حبك مالي اصحاب
اذا عاتبوني فيك وعتابهم ماابيه
احبك ولاتسال حبيبي عن الاسباب
انا لو اعرف اسباب حبك قدرت انهيه
الا يامعرض قلب مغليك لجمر لهاب
تراك تفرج الهم ولو انت راعيه
انا بسالك؟؟هو صحيح الهوى غلاب
انا بنصح اللي شرواي لايمشيه
واذا فيه بكتاب النحو للجفا اعراب
فهو فعلن مطلق بي والصد ماضيه
ايا ياليت ربي ماكتب بالغرام غياب
واذا في فرقا دخيلك قلبي لاتبتليه