شهادة ميلاد
شهادة ميلاد
اتولدت والبداية يوم ميلادي
اختارولي بسرعه اسمي
صوروني ونشروا صورتي
اتباهوا بيا قدام الولاد
بخروني وغربلوني
فكروني إني عايش
وإن بكرا ليا عايش
نسيوا إن الدنيا فانية
عشنا يوم أو سنين
اتخلقنا لدنيا تانية
ربي قالها في الكتاب
دنيا حلوة دنيا طاهرة
الشيوخ فيها شباب
والرسول فيها شفيعنا
منتظر على كل باب
دول صحابي دول حبايبي
صحبة ناجية م العذاب
بخروني وغربلوني
قالو يلا بسرعه اكبر
خلي حلمك بينا يكبر
تبقي لينا زينة الشباب
كبروني قبل سني
رسمولي بسرعه حلمي
أدي فيلا و أدي عماير
أدي شهرة وأدي جرايد
والهدوم من كل ماركة
ماليه عندي الدولاب
عربية ليا جاهزة
والمزة جاهزة
روح يلا اخرج
حاجزينلك ميعاد
ولما ترجع السفرة جاهزة
كفتة وكباب
تاكل براحتك
عايزين بس راحتك
واللي يفيض موجوده الكلاب
والشلة جايه سالي وهادي
ناني وفادي
والسهرة تحلى بين الشباب
للصبح نسهر والفجر أذن
الله اكبر روحنا ننام
ننام ونصحى ويمكن ما نصحى
وتكون النهاية ذل وعذاب
بخروني وغربلوني
فكروني اني عايش
وان حلمي شاب طايش
لا كفاية
اتخلقنا لدنيا تانية
قالها ربي في الكتاب
دنيا حلوة دنيا طاهرة
دنيا خالية م العذاب.
بقلمي/ زكريا ضاحي توفيق
