عمـار الدنيا الإنسان

........................ عمـار الدنيا الإنسان ............
..........................................................
مين اللي ملا الدنــيا ظلم
و دلق الكابوس في الحلم
وقسي علينا الزمان
وزرع فينا الكتمان
اللي رعــرع هم
لا عروق ولا دم
ولا حرف يترسم
ولا نفس ولا جسم
ولا دموع بريء طفل
له حق يعيش فرحان
ولا ضليله من غير ضل
تضلل علي العطشان
والنوم هرب من الأجفان
عمار الدنيا الإنسان
وأمان الدنيا الإيمان
وطغيان الدنيا الشيطان
اللي يدب في الأرض
ويفتري الإنسان علي الإنسان
ويهرب الحب من كل قلب
وتشيع الفتنه في كل مكان
ويدفع التمن أتمان
القرار مش قرارك
ولا الخيار خيارك
ولا يستني إنتظارك
في لحظه يبقي الخبر كان
والهم يملا كل كيان
قالوا عليها غرورة
من ساسها لراسها
منتشية ومغــرورة
وليها قصر وهيلمان
طيب فين حراســـها..؟
ومين اللي بيحرسها ..؟
ياريت اللي يعرف
ينشر للناس العنوان ..!!
.................................................................
.......... إحساس الشاعر/ حسـن الـشوان ...............