هاشكيلك يا دنيا

هاشكيلك يادنيا
من الناس اللي فيكي
وهاحكيلك يادنيا
تعبت اووي فيكي
مشيت بحُسن الظن
واديت الكل الآمان
وطبطبت علي كل قلب
غرقان في الاحزان
ونسيت نفسي معاهم
وكنت ليهم دواهم
وف يوم ردوا الجميل
جرحوني ولاسموش
وبقيت انا العليل
واتغيرت الوشوش..
#هاشكيلك_يادنيا
اعز الناس كانووو
علي قلبي جرّحوه
عاتبوو فيه ولاموو
وكمان بيظلموه
اروح فين بقي ولمين
يداويني من الحنين
اللي في قلبي
انا لسه شايله
لعشرة السنين..
#هاشكيلك_يادنيا
خٍلص الخير من قلوبهم
وبدأوو رفع السٍتار
عن مشهد موت ضميرهم
والروعه في الحوار
وانا كل ده ساكت
هاشكي لمين يسمعني
عايش في حالة صامت
بتفرج ع اللي خدعني..
#هاشكيلك_يادنيا
بقلمي..
ماهر البساطي..