إغضب بكفايه سكوت

إغضب
بكفايه سكوت
إغضب
أرواح بتموت
إغضب وإعلنها ياعم ...الارض شبعت م الدم
......
إغضب ولا تسألنيش
داسلاحنا شعب مع جيش
مايهمنا لبس الأكفان
والواغش لازم يتلم
إغضب وإعلنها ياعم ...الارض شبعت م الدم
......
الصمت عمره ماهيفيد
مع عصبة ارهاب عرابيد
عايزنا نرجع للماضى
ونعيش فى زل وهم
إغضب وإعلنها ياعم ...الارض شبعت م الدم
.......
الشهدا دول مصريين
من كل جنس مع دين
مسلم ومسيحى اولادنا
والنيل الشريان والدم
إغضب وإعلنها ياعم ...الارض شبعت م الدم
......
اولادنا ماتوا ببارودهم
والخونة داعمين سكتهم
اعلنها يلا وتوكل
خلينا نجيب حق الدم
إغضب وإعلنها ياعم ...الارض شبعت م الدم
..........
إغضب وادعى الرجالة
دا بهية كلها خيالة
هيلبوا بعزيمة وهمة
ويخلوا الاعداء تتلم
إغضب وإعلنها ياعم ...الارض شبعت م الدم
......
إغضب
بكفايه سكوت
إغضب
أرواح بتموت
إغضب وإعلنها ياعم ...الارض شبعت م الدم
............
القروى الساخر
عبدالهادى الشعراوى