دكت طبول السحور

دكت طبول السحور بعيني
خيط نعاس بجفوفي كطعتة
وبيه شهكة تعلعلت وسط المريئ
اذا ابلع ريج اشعر بي مراره
اكبالي طاسة ماي بارد
امد جفي الطاسة تبعد
راسي دار
اتغيرت ارقام السنين
الدنيا داخت
الساعة تفتر للوراء
وكفت ساعة ثواني
صرت اني كبال مشهد
مشهد يهز الضمير
سيف في راس الامير
جيت اشكفه
بين صاحي وبين نايم
وصلت الطاسه ﻻديه
ردت اشرب
صاح امساك المنادي
وقلم بيدي كمت اكتب
أنترست الورقه سبايا
من حدود سبايكر جرت ضحاية
من هذاك الباب وليوم القيامة
وقاتل بجفة حمامة
يكبر بوجه السلام
يذبح آلاف الحمام
يذبح بنفس الطريقة
لنذبح بيهة الحسين
كلبي عطب
الطاسة بين جفوفي صارت
ركزت مابيهة ماي بيهه دم
طاحت الطاسه من اديه
عيوني غوشت
الذاكرة عادت اليه
الصورة تعمة
من نزل سيفة طبر راس القيادة
انترست عيوني يتامه
صرت اعمه
ومن طحت كمت ادور
اني وين
اني وين
اني وين
الجمع