Sabah Shaker چفچير ع الطباخ
Sabah Shaker
چفچير ع الطباخ
زهير ابن جيرانه ام زكي مِكشر حلگه وخشمه وصخ، أجه گال لأمي، خاله أبنچ صباح كافر ،اليوم المدير گرمعه تگرمع بالمسطره، أمي گالت تعال يَمعَزه بِيمن كافر، عفتها وفد ركضه للشارع بقيت گاعد ع الدچه مال عامر البگال، گالت تعال طب غسل وأتزقنب غداك قبل ما يجي ابوك، حطت الچفچير عل طباخ، گالت تحچي لو لا ،حچيت، جانه معلم جديد بدرس الدين معبس أول ما طب گال المو مسلم يگدر يطلع خارج الصف، طلع صديقي المسيحي نديم يعقوب وآني هم طلعت، فتن عليه الطلاب، المعلم گال تعال لك كذاب كافر وأخذني للمدير ، أمي گرصتني من أذني حيل ، گالت نديم أصله مسيحي وطلع من الصف، انتَ شعليك طلعت ؟؟ آني ما حب درس الدين ، معلمنه إيگول ياهو اللي يضحك ويشوف افلام كارتون لو يلعب طوبه الله يحرگه ويذبه بالنار،
#صباح
چفچير ع الطباخ
زهير ابن جيرانه ام زكي مِكشر حلگه وخشمه وصخ، أجه گال لأمي، خاله أبنچ صباح كافر ،اليوم المدير گرمعه تگرمع بالمسطره، أمي گالت تعال يَمعَزه بِيمن كافر، عفتها وفد ركضه للشارع بقيت گاعد ع الدچه مال عامر البگال، گالت تعال طب غسل وأتزقنب غداك قبل ما يجي ابوك، حطت الچفچير عل طباخ، گالت تحچي لو لا ،حچيت، جانه معلم جديد بدرس الدين معبس أول ما طب گال المو مسلم يگدر يطلع خارج الصف، طلع صديقي المسيحي نديم يعقوب وآني هم طلعت، فتن عليه الطلاب، المعلم گال تعال لك كذاب كافر وأخذني للمدير ، أمي گرصتني من أذني حيل ، گالت نديم أصله مسيحي وطلع من الصف، انتَ شعليك طلعت ؟؟ آني ما حب درس الدين ، معلمنه إيگول ياهو اللي يضحك ويشوف افلام كارتون لو يلعب طوبه الله يحرگه ويذبه بالنار،
#صباح