اهداء الي كل الشهداء الكاتبة خلود عبدالعال-الإمارات
اوعى تبكي أو تخافي
اوعى من لبس السواد
شيلت هم الدنيا كله
فوق كتافي
لأجل أحميكى بعناد
لو يموت مليون شهيد
كل مصري حيبقي
واقف في المعاد
كله متمني الشهاده
كل واحد منا نازل
مستنى معاده
مع السعاده
اوعي تبكي أو تخافي
اوعى من لبس السواد
احنا حنقابل نبينا
بإذن ربي
وراح اشوف كل اللي
راحوا وسبقوا قبلي
الجنه فتحالنا الببان
احنا كل شهيد
بموته محمية الحيطان
اللى سانداكى وساتره
كل مصري
انه يهرب أو
يعيش مكسوره نفسه
المصري يا حب عمرى
مش جبان
كل ام و كل ابن
كل بنت وكل اخت وكل زوجه
اوعى تبكي اوعى من لبس السواد
ارفعى بالفخر راسك للكرامه
انتى مصريه وشهيدك
معروف بأنه في الرباط
ليوم الدين وان الشرف
والدفاع عنك عباده
دى يا امى عقيده اصحاب البياده
اصحابي بيصلوا الجنازة
غائب و يدعوا بالثبات
لكل شاب وكل راجل
قلبه مندور للجهاد
اوعي تبكي اوعى من لبس السواد
في حد يبكي أو يخاف
و ربه وعده بالأمان
يا امه جنودك مش ضعاف
دول اسود وهبوا روحهم للشهادة
حستنى كل أخ جى متعطر بدمه
كل جندى ساب عياله وفارق أمه
اوعى تخافي انا يا امه
بشهادة نبيي من كل أجناد الأرض
انا الاول وبجدارة
ارفعى بالفخر راسك بالكرامة
واوعي تبكى أو تخافي
موتى مكسب مش خساره
#خلود_عبدالعال