ثوانى العشق للشاعر محمد جمعة

ثواني
*********
يا ثواني العشق
دومي و اتكرري
عبي أنفاسي
في قلبي و اصهريه
امزجيه مزج الوداد
و استحضري
كل آيات الهنا ...
قبل ما تسرقيه
وان فاض دبيبه عن صدري
بوحي لا تنكري
و لا تنفري
و لا تحرميه
وان ضاقت عليكي
الآهه إستغفري
ارجوكي اعذريه
دلليه حتى انتعاشة الروح الصبية
و انفي شيب العمر ....
اللي شاخ و استريه
واكرمي فيا القلب
جاني او ضحية
لجل معاشه اللي جي و هدهديه
ما اللي فات م العمر حبه
واللي جي برضه حبه
بس امزجي البقية
بالمحبه و فرحيه
يا للثواني البهية
و الأماني بتشتهيه !!!
.....
جفت غصونه البريئه
العفيفه النديه
اللي كانت ف يوم جريئه
كنتي فيها الف غية
كنتي بيها بتسعفيه
.. جفت ؟!
عشمان في ترس الأمل يدور
للضحكة الشقية
للفجر المزركش
اللي انتي بتبعتيه
حتى صوت البلابل
في الحناجر كان سبيلي
للفكر الجميل
دلوقتي مش لاقيه
اشتقت للصبح ...
للمروج اللي ف خيالي
َللورده الصبيه ...
لليل اللي انتي فيه
يا ثواني العشق
للروح السخيه
يا احتمال الغدر
للأرق و التيه
في اكتمال الضنك
في الليله العفيه
في السكات و الشك
و البُعد الكريه
دومي ساقيه للعطيه
كوني راويه و مجد ليه
يا ثواني العشق
.. دومي و ارجعي
استحملي عنه الآسىٰ
و الأذية
و اوعي عمري للهدر
في لحظه تسلميه
و ..اوعاكي تسرسبيه
اوعاكي تسرسبيه
*******************
محمد جمعه