على شطَّك
على شطَّك
على شطك
قضينا العمر فى ضحكة
و فى دمعة
على شطك
تفوت أجيال بأفراحها
و أوجاعها
و تفضل فى القلوب شمعة
على جبين التاريخ غرَّة
و فى قلب الزمان درَّة
عشان النيل ماهوش ميَّا
ماهوش مركب
ماهوش شبكة فى إيد صياد
دا حضن كبير على شطوطه
هنا عشنا كتير أمجاد
على شطُّه هنا صومنا
و صلينا
على شطوطه بنينا قصور
و علِّينا
و ياما برضو شيلنا ذنوب
و قلنا نتوب
لقينا التوبة بتعدى
لناس منا
و ناس تانية ما بتعديش
و متولى كبر ياولاد
و راح الديش
شفيقة ماشية ع السكة
ملـَسْها فين
و واقفة الناس تتابعها
على الصفين
نعيمة جففت دمعة
على المنديل
فى قلب الليل حسن غَنَّى
و قال مواويل
يا عينى يا نيل
قدر مكتوب
ما بين ناعسة و بين أيوب
رصاصة من سلاح ميرى
فى قلب ياسين
بهية تقول حبيبى فين
حكاياتنا على شطوطك
و عارفها
حواديتنا اللى عشناها
و شايفها
عظيم بيننا
عشان انتا
ولا مَيَّا ولا مركب
ولا شبكة فى إيد صياد
عشان انتا كبير يا نيل
فى حضنك كل يوم أمجاد
الشاعر وليد مليجى
على شطك
قضينا العمر فى ضحكة
و فى دمعة
على شطك
تفوت أجيال بأفراحها
و أوجاعها
و تفضل فى القلوب شمعة
على جبين التاريخ غرَّة
و فى قلب الزمان درَّة
عشان النيل ماهوش ميَّا
ماهوش مركب
ماهوش شبكة فى إيد صياد
دا حضن كبير على شطوطه
هنا عشنا كتير أمجاد
على شطُّه هنا صومنا
و صلينا
على شطوطه بنينا قصور
و علِّينا
و ياما برضو شيلنا ذنوب
و قلنا نتوب
لقينا التوبة بتعدى
لناس منا
و ناس تانية ما بتعديش
و متولى كبر ياولاد
و راح الديش
شفيقة ماشية ع السكة
ملـَسْها فين
و واقفة الناس تتابعها
على الصفين
نعيمة جففت دمعة
على المنديل
فى قلب الليل حسن غَنَّى
و قال مواويل
يا عينى يا نيل
قدر مكتوب
ما بين ناعسة و بين أيوب
رصاصة من سلاح ميرى
فى قلب ياسين
بهية تقول حبيبى فين
حكاياتنا على شطوطك
و عارفها
حواديتنا اللى عشناها
و شايفها
عظيم بيننا
عشان انتا
ولا مَيَّا ولا مركب
ولا شبكة فى إيد صياد
عشان انتا كبير يا نيل
فى حضنك كل يوم أمجاد
الشاعر وليد مليجى