متغربين فيكي

متغربين فيكي يا دنيا
والغربة كويانا
تعبنا فيكي غربة وسفر
ملامحنا شقيانا
والدمعة نازلة ع الخد بتترسم
ومنه خجلانا
واللي ما يعرف يقول عدس
حتى الشقى الناس عليه حاسدانا
دنيا غريبة متديش محتاج
مدلله علينا تقلانا
يا دنيا بصيلي ميلي عليا
ليه عامله مش عرفانا
في الفرح بالشلوت ضاربه
وفي الحزن عاشقه وحضنانا
متغربين والحزن ساكن
والهم باني لينا مساكن
مايلة من الهد هدانا
للكل لابسه متشيكه
واما اقرب زهقانه مني طفشانا
بلاش علينا تدللي
بصي في مرايتك اتنيلي
انتي كمان مش عجبانا
********************
********************
كلمات / زكريا ضاحي توفيق