(في الوش مرايه ..وفي القفا سلاية )
(في الوش مرايه ..وفي القفا سلاية ) اصيل مهما ابتلي ف الاصل بيصونك اما الخسيس يبتسم بدموعه بيخونك مين قال بحور الندم تصلح خسيس غدار لفين تروح القدم للجنة والا النــــار شوفنا كتير م البشر تطلب وتتحايل ولما تبلغ مرادها سرعان ما تتمايل ونوع كمان م البشر ترعاه ةتصونه من خيرك تشفق عليه تسد له ديونه عجبي ع اللي اشتري زمم الرجال بفلوس جباه امامه انحنت وع الرقاب بيدوس ياحسرة راح الشرف مسك الايدين ويبوس وعجبي ع اللي سالته ليه تنكر المعروف ف الفقر عشت كتير والخير بقي بيطوف جلست بين الافاضل وبقيت ياخسيس معروف اول محطة حقيقي راح البصر مكشوف الا الايدين الخسيسة لما عمت عينك رميت الزمن الجميل ونسيت اللي بيعينك لو كنت صونت الامانة وحفظت للانسان جمايله اللي عملها معاك بامان ما كنش ده مصيرك مع اللصوص ساير لالاقي هدمة تصونك وف البلاد داير عرفنا انك بقيت حلقة بدلاية والوصف قالو عليك (ف الوش مرايه وف القفا سلايه ) بقلم ياسر عطايا