الأم لولو · #الغريبة والغريبة
الأم لولو ·
#الغريبة
والغريبة
تبقى عايش جوا بيتك
والحيطان بتقول:
دا مين؟!
تبقى فاكر كل حاجة
كل تفاصيل السنين
والوشوش
تايهة في عيونك
والاسامي
فوق شفايفك محتارين
إنت جيت من وقت تاني
والّا فات وقتك وتايه
في الثواني والدقايق
والحنين
إنت في مرايتي شايفني
حد شبهي
بس ليه شكلك حزين؟!
والغريبة بجد حاسس
روحي مقسومة لروحين
أو كأني باعيش في قصة
فيلم شفته من يومين
حد من فضله يجاوبني
هو انا دلوقت فين
هو انا إنسان حقيقي
والّا عصفور بجناحين
والّا انا كائن فضائي
تاه في تجويف السنين
إنتوا ناسي
والّا انا ناسي انتوا مين
ذكريات بتدق راسي
وانتوا لسه مسهّامين
السؤال كلني مضغني
جوا بطن الخوف بلعني
طب أنا لو مُت يعني
تبقوا انتوا.. ميتين !!!
#الأم_لولو
#الغريبة
والغريبة
تبقى عايش جوا بيتك
والحيطان بتقول:
دا مين؟!
تبقى فاكر كل حاجة
كل تفاصيل السنين
والوشوش
تايهة في عيونك
والاسامي
فوق شفايفك محتارين
إنت جيت من وقت تاني
والّا فات وقتك وتايه
في الثواني والدقايق
والحنين
إنت في مرايتي شايفني
حد شبهي
بس ليه شكلك حزين؟!
والغريبة بجد حاسس
روحي مقسومة لروحين
أو كأني باعيش في قصة
فيلم شفته من يومين
حد من فضله يجاوبني
هو انا دلوقت فين
هو انا إنسان حقيقي
والّا عصفور بجناحين
والّا انا كائن فضائي
تاه في تجويف السنين
إنتوا ناسي
والّا انا ناسي انتوا مين
ذكريات بتدق راسي
وانتوا لسه مسهّامين
السؤال كلني مضغني
جوا بطن الخوف بلعني
طب أنا لو مُت يعني
تبقوا انتوا.. ميتين !!!
#الأم_لولو