الشاعرة نضال حسن حاج · يمة الحرب حرب السواد
الشاعرة نضال حسن حاج
·
يمة الحرب حرب السواد
ختفت قليباً ليك رهيف
سفراً صعب ضقناهو كان
ودتنا لي دار الأمين
******************
قبل الطيور تدقش تعوس
وتكنس حويش بت الأمين
وفرض الله حاضر يا مناي
هاك يا جناي حتة فطير
******************
يا يمة زمناً حيل عنيد
عشناهو في الريف السعيد
لخي العجين، عوسي الفطير
ناوليني عوداً من نخيل
بين نار ونار
تمرق حلاة ويكة عصيد
*********************
اعفيلي كان قصرت فيك
يا يمة يا أعز الرفيق
ياهو الجهل اعملو إيه
لكني قلبي عليك شديد
***********************
اقرا واساهر ليلي طول
لو القى بس طباً سعيد
آسف كمان حقك علي
اعملو ايه حظاً عنيد
********************
عارف كمان قلبك علي
دايرالي مستقبل عديل
دايراني اهنا واعيش سعيد
في الراحة في بلدا بعيد
********************
لاكنو كيف ضلك يفارقك في مشيك
كيفن صباح ما فيهو ياخ طلة وشيك
لي مين أقول واجعني حيل طول الطريق
لي مين أقول أنا كان فتر
يا يمة حدي خلاص اقيف
إن دُرتي زاتو بوقفا اقعد حداك حتى المشيب
·
يمة الحرب حرب السواد
ختفت قليباً ليك رهيف
سفراً صعب ضقناهو كان
ودتنا لي دار الأمين
******************
قبل الطيور تدقش تعوس
وتكنس حويش بت الأمين
وفرض الله حاضر يا مناي
هاك يا جناي حتة فطير
******************
يا يمة زمناً حيل عنيد
عشناهو في الريف السعيد
لخي العجين، عوسي الفطير
ناوليني عوداً من نخيل
بين نار ونار
تمرق حلاة ويكة عصيد
*********************
اعفيلي كان قصرت فيك
يا يمة يا أعز الرفيق
ياهو الجهل اعملو إيه
لكني قلبي عليك شديد
***********************
اقرا واساهر ليلي طول
لو القى بس طباً سعيد
آسف كمان حقك علي
اعملو ايه حظاً عنيد
********************
عارف كمان قلبك علي
دايرالي مستقبل عديل
دايراني اهنا واعيش سعيد
في الراحة في بلدا بعيد
********************
لاكنو كيف ضلك يفارقك في مشيك
كيفن صباح ما فيهو ياخ طلة وشيك
لي مين أقول واجعني حيل طول الطريق
لي مين أقول أنا كان فتر
يا يمة حدي خلاص اقيف
إن دُرتي زاتو بوقفا اقعد حداك حتى المشيب