الشاعرة نضال حسن حاج مرقنا بدون نوادع الناس
الشاعرة نضال حسن حاج
مرقنا بدون نوادع الناس
وما عارفين نقبل وين
في إيدينا شنطة صغيرة
وكيس مافيه غير توبين
قولنا أيام وتاني نعود
ما فايتالا أسبوعين
ده كان أملنا في الأول
كنا حقيقة متفائلين
شلنا خطانا من البيت
وسبنا الحلة مجبورين
وكل أهلنا فاتوها
شويه الفيها موجودين
في نص الوجع والخوف
فضلو هناك هم صابرين
وتشتتنا نحن هناك
لاقينا السمح والشين
مره يقولو ديل ضيوف
ومره يقولو ديل نازحين
لقينا الزاد همومنا هموم
وبرضو لقينا ناس طيبين
عشنا بعيد مع الحسرة
فقدنا كتير من الغالين
ناس فاتو الوطن كلو
ضاقو المر هناك مرين
اخوك هناك وأنت هنا
كل همك تلاقي متين
باقي الأسرة سواحة
في كم حتة منتشرين
بيوتنا الفتنا سبناها
فيها اليلة ناس تانين
ما بينا قرابة لا عرفة
لاراعو فيها حرمة و دين
والزاد الوجع فينا
ناس ماراعو بينا سنين
خانو العشرة والجيرة
في حسراتنا متعاونين
ربنا يصلح الاحوال
نكون برعايتو محفوظين
عشمنا في الله ينصرنا
أكيد باكر اكيد راجعين
مرقنا بدون نوادع الناس
وما عارفين نقبل وين
في إيدينا شنطة صغيرة
وكيس مافيه غير توبين
قولنا أيام وتاني نعود
ما فايتالا أسبوعين
ده كان أملنا في الأول
كنا حقيقة متفائلين
شلنا خطانا من البيت
وسبنا الحلة مجبورين
وكل أهلنا فاتوها
شويه الفيها موجودين
في نص الوجع والخوف
فضلو هناك هم صابرين
وتشتتنا نحن هناك
لاقينا السمح والشين
مره يقولو ديل ضيوف
ومره يقولو ديل نازحين
لقينا الزاد همومنا هموم
وبرضو لقينا ناس طيبين
عشنا بعيد مع الحسرة
فقدنا كتير من الغالين
ناس فاتو الوطن كلو
ضاقو المر هناك مرين
اخوك هناك وأنت هنا
كل همك تلاقي متين
باقي الأسرة سواحة
في كم حتة منتشرين
بيوتنا الفتنا سبناها
فيها اليلة ناس تانين
ما بينا قرابة لا عرفة
لاراعو فيها حرمة و دين
والزاد الوجع فينا
ناس ماراعو بينا سنين
خانو العشرة والجيرة
في حسراتنا متعاونين
ربنا يصلح الاحوال
نكون برعايتو محفوظين
عشمنا في الله ينصرنا
أكيد باكر اكيد راجعين