د. حامد الشطري الغابة
![د. حامد الشطري الغابة د. حامد الشطري الغابة](https://www.alshmstv.com/contents/newsm/8745_0.jpg)
د. حامد الشطري
الغابة
الغابه بلبل
طارت بجنحه الفصول
الغابة كحله بعين بردية الهور..
الغابة مسرح للاشباح..
وين ما تخطف يجيك الليل ..خطوة..
وظل طفل خايف..
اجفوف لطفله ِحنتها
مثل طين الطفوف
الغابه ثلمه بغصن تين
الغابه ضد المزهرية
وضد غنه البلبل
وضد الياسمين
الغابه غابه
الغابه ستر الليل
والناس التحوف
الغابة سر الظلمه تهزمها الدفوف..
غني ياعين الشمس.
يم الدفو
وطشي شعاع اكذيلتج...
رشي زخات النده بخد الورد
وغطي بالظل الورد والريح
عطر اكَصيبتج..
ابتسمي يم سن الذهب
تهزم الغابة
شفايف ضحكتج
شمايطول الليل لازم ينثلم..
شما يمر الليل اظلم
تعتلك بعيوني شمعات الحلم..
والزلم ماهزها ماتثني
عزمها اذياب غابة
والشوارع تلتف بطول الرصيف تصير للعاشك ربابة..
وياوتر بيك الغنه
غني الي ولحن قصايد..
والقصايد عدنه شاهد..
اشما يطول الليل بذيال الظلام
يولد بجنحه صبح..
شما يطول الليل ظلمه بكتر غابة
تشتعل نجمات ويشع الملح..
واحنه ملح الكاع وسواجي الوطن.
احنه مفطومين نرضع ثدي المحنه،
ونعبر احدود الزمن.....
الغابة
الغابه بلبل
طارت بجنحه الفصول
الغابة كحله بعين بردية الهور..
الغابة مسرح للاشباح..
وين ما تخطف يجيك الليل ..خطوة..
وظل طفل خايف..
اجفوف لطفله ِحنتها
مثل طين الطفوف
الغابه ثلمه بغصن تين
الغابه ضد المزهرية
وضد غنه البلبل
وضد الياسمين
الغابه غابه
الغابه ستر الليل
والناس التحوف
الغابة سر الظلمه تهزمها الدفوف..
غني ياعين الشمس.
يم الدفو
وطشي شعاع اكذيلتج...
رشي زخات النده بخد الورد
وغطي بالظل الورد والريح
عطر اكَصيبتج..
ابتسمي يم سن الذهب
تهزم الغابة
شفايف ضحكتج
شمايطول الليل لازم ينثلم..
شما يمر الليل اظلم
تعتلك بعيوني شمعات الحلم..
والزلم ماهزها ماتثني
عزمها اذياب غابة
والشوارع تلتف بطول الرصيف تصير للعاشك ربابة..
وياوتر بيك الغنه
غني الي ولحن قصايد..
والقصايد عدنه شاهد..
اشما يطول الليل بذيال الظلام
يولد بجنحه صبح..
شما يطول الليل ظلمه بكتر غابة
تشتعل نجمات ويشع الملح..
واحنه ملح الكاع وسواجي الوطن.
احنه مفطومين نرضع ثدي المحنه،
ونعبر احدود الزمن.....