د. حامد الشطري · شفايف..
![د. حامد الشطري · شفايف.. د. حامد الشطري · شفايف..](https://www.alshmstv.com/contents/newsm/8741_0.jpg)
د. حامد الشطري
·
شفايف..
انتِ مو للحچي صاغج
ربچ بهذي الوسامه
ورسم فوگ الضحكة شامه
يانبع يغري،
لحدما توگف وتشرب حمامه
يغري هذا النبع يتوهمك
من شافك حلو و شفاف
من راس النبع،
تنگط عسل ما چنها شامه ...
واني طبعي وي الجمال
اطباع لهفه
والله اطگن ونكسر ..
ودوهن من الراس،
حد رجفة الهامه...
مو شفايف ..
ذني زورق سومري..
مرسوم لوحه..من القبل
نشوان ..ذابت شمعه روحي
بطاري شم عطرك..
شعر يمطر شعر...
غطاك شمام ونحل
والنخله قامه
وطفله ترجيتك تشع جوه الزلف
ليل وضوه
لو شهكت الوادم بوجهك..
تنطفي بيك الملامح..
تطلع بخدك گمر محتام ماحوذ بوحامه...
ذني شفتينك رطب وكت الرطب
نثن معاثيگ الصدر..
صبن عسل بالگيض
ها جنك لحگ جوه
الزلف شذرة دفو.. بلون القيامه
وروحي بردية حماد...ينز صبرها..
وعلي لو ضاگت عسل ذني الشفايف بالحلم..ترجع شباب
وتاخذ بدرس الرسم عشره العلامة
مٓن عليك الباري صوره
وشامتك حطاها فارس .
سيفه رمشك..
تحمي عيونك
تظل الناس مشغوله بخيالك
يالجمالك مختصر شامه وشفايف
حدر زلفك ينطوي بجفي الخصر مغزل عشگ...
اعذرني مفتون بغرامك..
·
شفايف..
انتِ مو للحچي صاغج
ربچ بهذي الوسامه
ورسم فوگ الضحكة شامه
يانبع يغري،
لحدما توگف وتشرب حمامه
يغري هذا النبع يتوهمك
من شافك حلو و شفاف
من راس النبع،
تنگط عسل ما چنها شامه ...
واني طبعي وي الجمال
اطباع لهفه
والله اطگن ونكسر ..
ودوهن من الراس،
حد رجفة الهامه...
مو شفايف ..
ذني زورق سومري..
مرسوم لوحه..من القبل
نشوان ..ذابت شمعه روحي
بطاري شم عطرك..
شعر يمطر شعر...
غطاك شمام ونحل
والنخله قامه
وطفله ترجيتك تشع جوه الزلف
ليل وضوه
لو شهكت الوادم بوجهك..
تنطفي بيك الملامح..
تطلع بخدك گمر محتام ماحوذ بوحامه...
ذني شفتينك رطب وكت الرطب
نثن معاثيگ الصدر..
صبن عسل بالگيض
ها جنك لحگ جوه
الزلف شذرة دفو.. بلون القيامه
وروحي بردية حماد...ينز صبرها..
وعلي لو ضاگت عسل ذني الشفايف بالحلم..ترجع شباب
وتاخذ بدرس الرسم عشره العلامة
مٓن عليك الباري صوره
وشامتك حطاها فارس .
سيفه رمشك..
تحمي عيونك
تظل الناس مشغوله بخيالك
يالجمالك مختصر شامه وشفايف
حدر زلفك ينطوي بجفي الخصر مغزل عشگ...
اعذرني مفتون بغرامك..