Tahany Mosa تكتب يومياتها
![Tahany Mosa تكتب يومياتها Tahany Mosa تكتب يومياتها](https://www.alshmstv.com/contents/newsm/8188_0.jpg)
Tahany Mosa
·
شخص أعرفه فتح معايا مسألة تتعلق بزواجه، وإن هو شاف بنت وتوسم فيها الخير، لكن العقبة اللي واجهته إنها ( مطلقة )، العقبة دي بالنسباله مفيهاش مشكلة، المشكلة في استقبال والدته للأمر اللي كان عنيف للغاية معاه، وأقل كلمة اتقالت ليه من أمه بالظبط كده ( أنا أتعب في تربيتك كل ده، ويوم ما عاوزني أفرح بيك تفرحني بواحدة كسر ) .
لاحظ إن الكلمة خرجت من خلال ( إمرأة )، وإن التصور المبني والراسخ جوه عالم أفكارها عن المطلقة إنها ( كسر )، فما بالك بتصور الرجال ؟
لو سرحت شوية هتجيب من القاع أفكار متطرفة للغاية، من ضمنها صديق أيضا طلق مرة، ولما أتعرض عليه يتزوج واحدة مطلقة رفض بشدة، والسبب من وجهة نظره ( إن المرأة مش بتنسى الرجل الأول في حياتها، ده اللي بيتصدر، لكن الحقيقة اللي ورا الكواليس ( إنه بيكون عنده إقتناع مسيطر عليه جدًا إنه في رجل غيره لمس هذه المرأة )
زمان المجتمع الجاهلي كانت معاييره في منظومة الزواج أفضل من المنظومة الحالية، كانت الناس بتتسابق على زواج المطلقة، ومكنش عند مجتمع الصحابة أدنى مشكلة في إنه زوجة صديقه اللي لسه ميت في غزوة يتجوزها بعد انقضاء عدتها، ومكنش عنده مشكلة في إنها كانت تثني عليه بالخير .
خلينى اقولكم ببساطة يعنى إيه ست مطلقة؟
يعني واحدة ممكن يكون جوزها باعها واتجوز عليها ورماها هى وعيالها فشالت الليلة وبقت أب وأم . .
يعني ممكن ست مرضيتش تعيش مع راجل مش بتحبه زي اللي راحت لسيدنا النبي وطلبت الطلاق ولجأت لشرع ربنا وابرت جوزها من كل حقوقها وردت عليه حديقته والنبي مقالهاش يعني اتبطرتي على النعمة الراجل جايبلك بيت بجنينة شاف النبي إنها لا تطيق فأمر الزوج بتطليقها والقصة خلصت بكل رقى وشياكة . .
يعني ممكن ست أُجبرت على الجواز وعافرت إنها تعيش ومقدرتش . .
يعني ممكن واحدة اتهانت وانضربت ومقبلتش تبقى عبدة بالنهار و خادمة رغبة بالليل . .
يعني ستات فاتحة بيوت صاينة نفسها وقافلة السكة قدام الرجالة الشمال . .
مش معنى إنها طالما اتطلقت تبقى إنسانة قذرة ومش متربية ومبتعرفش تصون اللقمة، أو أنها لازم تبقى عرضة لكل حيوان ينهش فيها، ويراها رخيصة أو كسر .
#يعنى_ست_الستات
#مش_عشان_مطلقة_ننصبلها_مشنقة
إستقيموا يرحمكم الله
·
شخص أعرفه فتح معايا مسألة تتعلق بزواجه، وإن هو شاف بنت وتوسم فيها الخير، لكن العقبة اللي واجهته إنها ( مطلقة )، العقبة دي بالنسباله مفيهاش مشكلة، المشكلة في استقبال والدته للأمر اللي كان عنيف للغاية معاه، وأقل كلمة اتقالت ليه من أمه بالظبط كده ( أنا أتعب في تربيتك كل ده، ويوم ما عاوزني أفرح بيك تفرحني بواحدة كسر ) .
لاحظ إن الكلمة خرجت من خلال ( إمرأة )، وإن التصور المبني والراسخ جوه عالم أفكارها عن المطلقة إنها ( كسر )، فما بالك بتصور الرجال ؟
لو سرحت شوية هتجيب من القاع أفكار متطرفة للغاية، من ضمنها صديق أيضا طلق مرة، ولما أتعرض عليه يتزوج واحدة مطلقة رفض بشدة، والسبب من وجهة نظره ( إن المرأة مش بتنسى الرجل الأول في حياتها، ده اللي بيتصدر، لكن الحقيقة اللي ورا الكواليس ( إنه بيكون عنده إقتناع مسيطر عليه جدًا إنه في رجل غيره لمس هذه المرأة )
زمان المجتمع الجاهلي كانت معاييره في منظومة الزواج أفضل من المنظومة الحالية، كانت الناس بتتسابق على زواج المطلقة، ومكنش عند مجتمع الصحابة أدنى مشكلة في إنه زوجة صديقه اللي لسه ميت في غزوة يتجوزها بعد انقضاء عدتها، ومكنش عنده مشكلة في إنها كانت تثني عليه بالخير .
خلينى اقولكم ببساطة يعنى إيه ست مطلقة؟
يعني واحدة ممكن يكون جوزها باعها واتجوز عليها ورماها هى وعيالها فشالت الليلة وبقت أب وأم . .
يعني ممكن ست مرضيتش تعيش مع راجل مش بتحبه زي اللي راحت لسيدنا النبي وطلبت الطلاق ولجأت لشرع ربنا وابرت جوزها من كل حقوقها وردت عليه حديقته والنبي مقالهاش يعني اتبطرتي على النعمة الراجل جايبلك بيت بجنينة شاف النبي إنها لا تطيق فأمر الزوج بتطليقها والقصة خلصت بكل رقى وشياكة . .
يعني ممكن ست أُجبرت على الجواز وعافرت إنها تعيش ومقدرتش . .
يعني ممكن واحدة اتهانت وانضربت ومقبلتش تبقى عبدة بالنهار و خادمة رغبة بالليل . .
يعني ستات فاتحة بيوت صاينة نفسها وقافلة السكة قدام الرجالة الشمال . .
مش معنى إنها طالما اتطلقت تبقى إنسانة قذرة ومش متربية ومبتعرفش تصون اللقمة، أو أنها لازم تبقى عرضة لكل حيوان ينهش فيها، ويراها رخيصة أو كسر .
#يعنى_ست_الستات
#مش_عشان_مطلقة_ننصبلها_مشنقة
إستقيموا يرحمكم الله