سيد فرهود الموسوي ٢١/٦/٢٠٢٢(الصور من ارشيفي صالح الجويبراوي)
صالح الجويبراوي الخيكاني
وين ذاك هورنه ووتاليته
اوين خريطج يخبنه وصيته
وين ذاك الجان متعره السفن
بيه كل الطير وبياح الخشن
لوطلعنه انصيد ننساه الحزن
وكصبه شابج تختلف نوعيته
جان عدنه الهور مجمع للحباب
وبارد الماي ويعجبك بالشراب
راح ذاك العهد وايام الشباب
لجان واحدنه غني بعافيته
جنه بدويشه جذب يغمض جفن
وبسمج واطيور نترسها السفن
نضل نتحسر على ايام الكضن
كون يرجع يوم واحد ريته
كون ترجع لمت الاحباب يوم
ونرجع لسرب النعج ذاك اليحوم
اه ياوكت الكضه مابيه هموم
صافي وي جاره ابمحبته ونيته
وين ذيج النيه والخوه الصدك
اوين ذيجه نعجت الماي التدك
والسمج عدنه الشنك فوك الشنك
يحيل ذاك العنبر اباريته
اه ياعنبر الديره وي الطيور
صوط يامحلاه وي شوي الصبور
والطبيخ وي اللبن يصلح سحور
والفقير الي يكضده يعزب بخاجيته
آه ياذاك الغنى وذاك الونين
مرت علينه حلم ذيج السنين
شلون طعم الرطب وي لبن الشنين
يسوه قارون المضه وماليته
جنه مرتاحين بس ماعدنه مال
عدنه نعمه وعدنه انواع الحلال
كلنه نحزن لو شخص فلش وشال
اصير جن يوم المناحه ابيته
سيد فرهود الموسوي
٢١/٦/٢٠٢٢(الصور من ارشيفي صالح الجويبراوي)
وين ذاك هورنه ووتاليته
اوين خريطج يخبنه وصيته
وين ذاك الجان متعره السفن
بيه كل الطير وبياح الخشن
لوطلعنه انصيد ننساه الحزن
وكصبه شابج تختلف نوعيته
جان عدنه الهور مجمع للحباب
وبارد الماي ويعجبك بالشراب
راح ذاك العهد وايام الشباب
لجان واحدنه غني بعافيته
جنه بدويشه جذب يغمض جفن
وبسمج واطيور نترسها السفن
نضل نتحسر على ايام الكضن
كون يرجع يوم واحد ريته
كون ترجع لمت الاحباب يوم
ونرجع لسرب النعج ذاك اليحوم
اه ياوكت الكضه مابيه هموم
صافي وي جاره ابمحبته ونيته
وين ذيج النيه والخوه الصدك
اوين ذيجه نعجت الماي التدك
والسمج عدنه الشنك فوك الشنك
يحيل ذاك العنبر اباريته
اه ياعنبر الديره وي الطيور
صوط يامحلاه وي شوي الصبور
والطبيخ وي اللبن يصلح سحور
والفقير الي يكضده يعزب بخاجيته
آه ياذاك الغنى وذاك الونين
مرت علينه حلم ذيج السنين
شلون طعم الرطب وي لبن الشنين
يسوه قارون المضه وماليته
جنه مرتاحين بس ماعدنه مال
عدنه نعمه وعدنه انواع الحلال
كلنه نحزن لو شخص فلش وشال
اصير جن يوم المناحه ابيته
سيد فرهود الموسوي
٢١/٦/٢٠٢٢(الصور من ارشيفي صالح الجويبراوي)