د. حامد الشطري طبع جامة
د. حامد الشطري
طبع جامة
اكسرني تكسر صورتك..
تنزف ضوه مراية ملامح غربتك
وتوجني ليل
يل طولك هيل..
والعطر بخَيالك..
ظل منارة الما تميل..
طاح ظلك غيمة
وبحضني نده ايفزز شمس..
من مطرت احزاني اغاني
بعثرة الشباج مفتوح ويتاني
وشاتل اعيوني اعله طيفك
تفز من تخطف خيالاتك ثواني
ومن يجيبك ..وانت ومضة بطاري ليل
من يجيبك وانت كحلة عين سالت بالحلم
وتشظت الوان الكحل..
سوده وطعمها بخدك المجوي قزح..
نايم انت وصوبك امعزل الفرح
من يجيبك
سوربت بعيوني تمشي
امفصله بكد غيبتك كل الظنون..
اشماله شباج الفرح مقفل ومفتاحه زعل..
اشبيها روحي شما اريد انهاها منك ماتمل..
امنت كَلبي بجنح نورس كسر روج البحر واتنعه ليلك..
يل مسافاتك سحن مجلوم وجروحه شراع
الشال كَلبي بحفنه ريح
وين خطواتك ومشيك شالته الروجه بحر
روجه بشفاف الهبوب تميل تمسح كل اثر ..
وشباقي منك غير حسبات السرن بالروح ديدن من سوالف لايذ بسدها القهر..
اتحاشه خاف تفز حسبتي
والبواجي السكتتهن ..
كبرن وصارن اعيون
ونزل بيهن رمش كحلك وانعمن حد الجفون..
طال بيهن وجع روحي وشالته اوياي المتون ..
وكلنه والعثرة بغيابك
موش كلفه لخاطرك كلشي يهون
طبع جامة
اكسرني تكسر صورتك..
تنزف ضوه مراية ملامح غربتك
وتوجني ليل
يل طولك هيل..
والعطر بخَيالك..
ظل منارة الما تميل..
طاح ظلك غيمة
وبحضني نده ايفزز شمس..
من مطرت احزاني اغاني
بعثرة الشباج مفتوح ويتاني
وشاتل اعيوني اعله طيفك
تفز من تخطف خيالاتك ثواني
ومن يجيبك ..وانت ومضة بطاري ليل
من يجيبك وانت كحلة عين سالت بالحلم
وتشظت الوان الكحل..
سوده وطعمها بخدك المجوي قزح..
نايم انت وصوبك امعزل الفرح
من يجيبك
سوربت بعيوني تمشي
امفصله بكد غيبتك كل الظنون..
اشماله شباج الفرح مقفل ومفتاحه زعل..
اشبيها روحي شما اريد انهاها منك ماتمل..
امنت كَلبي بجنح نورس كسر روج البحر واتنعه ليلك..
يل مسافاتك سحن مجلوم وجروحه شراع
الشال كَلبي بحفنه ريح
وين خطواتك ومشيك شالته الروجه بحر
روجه بشفاف الهبوب تميل تمسح كل اثر ..
وشباقي منك غير حسبات السرن بالروح ديدن من سوالف لايذ بسدها القهر..
اتحاشه خاف تفز حسبتي
والبواجي السكتتهن ..
كبرن وصارن اعيون
ونزل بيهن رمش كحلك وانعمن حد الجفون..
طال بيهن وجع روحي وشالته اوياي المتون ..
وكلنه والعثرة بغيابك
موش كلفه لخاطرك كلشي يهون