اشواق داود الجنابي لاتكولون شهيتينا .. رحمه لابهاتكم...
اشواق داود الجنابي
لاتكولون شهيتينا .. رحمه لابهاتكم...
لان والله اني صار يومين افكر منين اوصي على صبور ..
بموسم الصبور كانت امي الطبية الله يرضى عليها تجيب كونية من العلوة تحطها بالموجمده مثل ماتكول موجمده وليس مجمدة...
لماذا سمك الصبور هو السمك الوحيد الذي يباع بطريقة العدد (زوج الصبور يعني سمكتين) وليس بالوزن الكيلوغرام مثل بقية الاسماك ؟؟؟؟
هل هناك تفسير او علاقه تاريخيه بالامر ؟؟؟
((اصل الصبور ومنبعه من البصرة ))
من تسأل بصراوي شنو غداكم يجاوبك صبور لان بالبصرة الكائنات البحرية تنقسم الى اربعة انواع
سمچ
وصبور
وزبيدي
وروبيان .
وللصبور معزة خاصة جدا عند اهل البصرة حيث يكون الوجبة الرئيسية في الغالب لكل يوم جمعة اثناء موسم الصبور، من نهاية شهر شباط الى نهاية شهر حزيران.
الصبور يباع بالعدد وليس بالوزن كباقي انواع السمك ..
وطبعا البصاروة يفضلون صبورة الشط على صبورة البحر لان اثناء انتقالها من الماي المالح للماي الحلو لوضع البيوض يصير عليها تغيير بايلوجي يجعل طعمها اطيب.
تتملح الصبورة يم السماچ بعد ما يشكها من الظهر اي يشقها من جهة العمود الفقري ...
وتوصل للبيت تنغسل وتتملح وتتحشة ببصل وثوم ونومي بصرة وياها قليل من المعجون وتمر الهند ويندكن بهاون او بخلاط وينمسح ظهر الصبورة بتمراية وينزلن لتنور مجمر بشلاخ نخل واكو طريقتين للشوي اما السمجة مفتوحة يعني بطنها وظهرها يتعرضن للنار او مغلقة يعني بس الظهر تلوحة النار والبطن تستوي براحتها.
(الصبور) ينوكل وية الخبز والبصل او وية التمن الابيض او التمن الباقلاء مع الشبنت اي السبت ..
اما التمن الاحمر فمايصير وي الصبور ورة ماتخلص من صبورتك تشرب وراها كلاص لبن وفندوس تمر وتنام نومة اهل الكهف كأنما فاقد الوعي. وتكعد كانه فاكك البنج من عملية فوق الكبرى.
ولذلك يقال عن الصبور ماكول مذموم واطيب جزء في الصبورة هو بطن الصبورة الجزء الوسطاني جوةالراس بصبعين والاطيب من الصبور نفسه هو الثروب مال الصبور من تطلع حارة من التنور...
وسهمكم العافيه عيوني .
دمتم سالمين....
لاتكولون شهيتينا .. رحمه لابهاتكم...
لان والله اني صار يومين افكر منين اوصي على صبور ..
بموسم الصبور كانت امي الطبية الله يرضى عليها تجيب كونية من العلوة تحطها بالموجمده مثل ماتكول موجمده وليس مجمدة...
لماذا سمك الصبور هو السمك الوحيد الذي يباع بطريقة العدد (زوج الصبور يعني سمكتين) وليس بالوزن الكيلوغرام مثل بقية الاسماك ؟؟؟؟
هل هناك تفسير او علاقه تاريخيه بالامر ؟؟؟
((اصل الصبور ومنبعه من البصرة ))
من تسأل بصراوي شنو غداكم يجاوبك صبور لان بالبصرة الكائنات البحرية تنقسم الى اربعة انواع
سمچ
وصبور
وزبيدي
وروبيان .
وللصبور معزة خاصة جدا عند اهل البصرة حيث يكون الوجبة الرئيسية في الغالب لكل يوم جمعة اثناء موسم الصبور، من نهاية شهر شباط الى نهاية شهر حزيران.
الصبور يباع بالعدد وليس بالوزن كباقي انواع السمك ..
وطبعا البصاروة يفضلون صبورة الشط على صبورة البحر لان اثناء انتقالها من الماي المالح للماي الحلو لوضع البيوض يصير عليها تغيير بايلوجي يجعل طعمها اطيب.
تتملح الصبورة يم السماچ بعد ما يشكها من الظهر اي يشقها من جهة العمود الفقري ...
وتوصل للبيت تنغسل وتتملح وتتحشة ببصل وثوم ونومي بصرة وياها قليل من المعجون وتمر الهند ويندكن بهاون او بخلاط وينمسح ظهر الصبورة بتمراية وينزلن لتنور مجمر بشلاخ نخل واكو طريقتين للشوي اما السمجة مفتوحة يعني بطنها وظهرها يتعرضن للنار او مغلقة يعني بس الظهر تلوحة النار والبطن تستوي براحتها.
(الصبور) ينوكل وية الخبز والبصل او وية التمن الابيض او التمن الباقلاء مع الشبنت اي السبت ..
اما التمن الاحمر فمايصير وي الصبور ورة ماتخلص من صبورتك تشرب وراها كلاص لبن وفندوس تمر وتنام نومة اهل الكهف كأنما فاقد الوعي. وتكعد كانه فاكك البنج من عملية فوق الكبرى.
ولذلك يقال عن الصبور ماكول مذموم واطيب جزء في الصبورة هو بطن الصبورة الجزء الوسطاني جوةالراس بصبعين والاطيب من الصبور نفسه هو الثروب مال الصبور من تطلع حارة من التنور...
وسهمكم العافيه عيوني .
دمتم سالمين....