رياض محسن المحمداوي شهامة فارس ..
رياض محسن المحمداوي
شهامة فارس ..
الفروسية شرف واخلاق وتضحية ومواقف رجولية فوق العادة لايحملها الا القليلين من الناس بدون ان يكون من ورائها مكسب اومقصد معين الا ان صاحبها يتسم بالشهامة والاخلاق الرفيعة.
يحكا ان هنالك شيخ عشيرة لديه گهوچي هذا الگهوچي من غير عشيرته ..راحت الايام واجت الايام صارت علاقة حب بين الگهوچي ويه بنت الشيخ يوميه بعد مايفرغ الديوان باليل تجي بنت الشيخ على حبيبها الگهوچي يسولفون بمستقبلهم اوين راح يوصلون بهذا الطريق المسدود لان تقاليد العرب بنت الشيخ لابن الشيخ يوم من الايام اجت بنت الشيخ على حبيبها كالعاده بالديوان باليل اخذتهم السوالف وبده يطلع الفجر وهي بعدها مارايحه گللها حبيبها الگهوچي گومي روحي هسه يجي ابوچ ويه مارادت تگوم طب ابوها للديوان وين تروح ماكو ملجأ نامت بصف حبيبها وتغطوا بالبطانيه طب الشيخ اتفاجأ بالگهوچي نايم لان من عادته يگعد قبل الشيخ گال الشيخ يجوز تعبان مريض خل اتركه اشويه ويگعد گعد الشيخ وطب الاول والثاني والثالث والعاشر الى ان الديوان صار مليان بالزلم والگهوچي نايم صارت سالفة الديوان كلها بالگهوچي گلوله فلان اشبيك كللهم
تتن يحرگ بدلالي سعالي
غريب ومحد من اهلي سعالي
چان يسكت اكو شاب من ولد العشيره كلش صديقه فهم اللغز گام راح على بيته وصب عليه نفط كل لمرته بس اطب للديوان احرگي البيت وعيطي وصرخي وبالفعل سوت مثل ماگللها رجلها حرگت البيت وبدت تنخه بالعرب چان يگوم شكو واحد گاعد بالديوان حتى الشيخ ومابقه احد من فرغ الديوان گامت بنت الشيخ ورجعت لبيتهم بدون محد يشوفها وبدون فضيحه رجع الگهوچي نام وتغطه رجعو الزلم بعد ماطفو البيت گلوله فلان قبل اشويه گلتنه بيت ابوذيه بس ماكملته گللهم اتركو الموضوع گلوله ابد الا تكمله
كللهم
تتن يحرگ بدلالي سعالي
غريب ومحد من اهلي سعالي
صديجي اللي اودنه سعالي
حرگ بيته لاجل يستر عليه.
هذه هي سيرة الفرسان الذين يضحون بالغالي والنفيس من اجل المواقف الشريفة والصادقة والتي تحمل روح الشهامة خدمة للانسانية والاوطان.
اللهم امنا في اوطاننا واسترنا بما انت اهله واجعل طريقنا السلام والوئام من اجل الخير للجميع.
امين.
شهامة فارس ..
الفروسية شرف واخلاق وتضحية ومواقف رجولية فوق العادة لايحملها الا القليلين من الناس بدون ان يكون من ورائها مكسب اومقصد معين الا ان صاحبها يتسم بالشهامة والاخلاق الرفيعة.
يحكا ان هنالك شيخ عشيرة لديه گهوچي هذا الگهوچي من غير عشيرته ..راحت الايام واجت الايام صارت علاقة حب بين الگهوچي ويه بنت الشيخ يوميه بعد مايفرغ الديوان باليل تجي بنت الشيخ على حبيبها الگهوچي يسولفون بمستقبلهم اوين راح يوصلون بهذا الطريق المسدود لان تقاليد العرب بنت الشيخ لابن الشيخ يوم من الايام اجت بنت الشيخ على حبيبها كالعاده بالديوان باليل اخذتهم السوالف وبده يطلع الفجر وهي بعدها مارايحه گللها حبيبها الگهوچي گومي روحي هسه يجي ابوچ ويه مارادت تگوم طب ابوها للديوان وين تروح ماكو ملجأ نامت بصف حبيبها وتغطوا بالبطانيه طب الشيخ اتفاجأ بالگهوچي نايم لان من عادته يگعد قبل الشيخ گال الشيخ يجوز تعبان مريض خل اتركه اشويه ويگعد گعد الشيخ وطب الاول والثاني والثالث والعاشر الى ان الديوان صار مليان بالزلم والگهوچي نايم صارت سالفة الديوان كلها بالگهوچي گلوله فلان اشبيك كللهم
تتن يحرگ بدلالي سعالي
غريب ومحد من اهلي سعالي
چان يسكت اكو شاب من ولد العشيره كلش صديقه فهم اللغز گام راح على بيته وصب عليه نفط كل لمرته بس اطب للديوان احرگي البيت وعيطي وصرخي وبالفعل سوت مثل ماگللها رجلها حرگت البيت وبدت تنخه بالعرب چان يگوم شكو واحد گاعد بالديوان حتى الشيخ ومابقه احد من فرغ الديوان گامت بنت الشيخ ورجعت لبيتهم بدون محد يشوفها وبدون فضيحه رجع الگهوچي نام وتغطه رجعو الزلم بعد ماطفو البيت گلوله فلان قبل اشويه گلتنه بيت ابوذيه بس ماكملته گللهم اتركو الموضوع گلوله ابد الا تكمله
كللهم
تتن يحرگ بدلالي سعالي
غريب ومحد من اهلي سعالي
صديجي اللي اودنه سعالي
حرگ بيته لاجل يستر عليه.
هذه هي سيرة الفرسان الذين يضحون بالغالي والنفيس من اجل المواقف الشريفة والصادقة والتي تحمل روح الشهامة خدمة للانسانية والاوطان.
اللهم امنا في اوطاننا واسترنا بما انت اهله واجعل طريقنا السلام والوئام من اجل الخير للجميع.
امين.