من فعاليات #مؤسسة_سلوى_علوان_الثقافية "دور اﻷغنية في مواجهة اﻹرهاب"
كانت ندوة مهمة جدا. عنوانها "دور اﻷغنية في مواجهة اﻹرهاب" الشاب ده اسمه "أحمد" طالب في جامعة اﻷزهر، واحنا في وسط الندوة طلب يتكلم قلت استغل الفرصة وأسأله بيسمع إيه في اﻷغاني هو وزمايله، القديمة ولا الجديدة وإيه بيعجبوا فيها، رد وقال:
"الغنا أصلا حرام. الشيوخ بتوعنا في اﻷزهر قالولنا كده" رده كان مفاجيء للحاضرين.. خصوصا عشان عنوان الندوة اللي هو حاضر فيها. وكان رد اﻷستاذ الدكتور "أشرف عبد الرحمن" ضيف المنصة. رائع.. سأل الشاب: انت سمعت الفنان حسن الزغبي بيغني دلوقت اغنية وطنية. صح؟ قاله:آه.. سأل د. أشرف: كنت زعلان ومتضايق وحاسس انك مش مبسوط وان فيه حاجة غلط؟ الشاب قاله لا.. كنت حاسس بعزة وفخر وحب للبلد.. كنت مبسوط، رد د. أشرف: الإيمان فطرة ربنا فطرنا عليها كبشر لو الغنا ضد فطرة ربنا ولو حرام وفيه حاجة وحشة كنت هتضايق بالفطرة.. والغنا زيه زي كل حاجة تانية فيها الحلال وفيها الحرام المهم بنستخدم الموهبة دي ازاي وبشكل صح ولا غلط..
كلام "أحمد"بالنسبة لي مش جديد لإنه نفس فكر الشباب اللي عملت معاهم حوارات صحفية وكانوا متورطين في قضايا إرهابية وأعضاء في جماعات متطرفة.. البداية قتل الذوق واﻹحساس والجمال عند الشباب في سن صغير. وبعدها قتل كل شيء بلا رحمة. نفس بدايات الدواعش وجبهة النصرة ومن على شاكلتهم.. كلام "أحمد" صرخة استغاثة حقيقية لكل مسئول عنده ضمير.. الكلام عن تجديد الخطاب الديني لازم يخرج للتنفيذ بشكل صحيح وصحي وعلمي وعملي مش مجرد شعارات بنقولها للاستهلاك الإعلامي.. فيه أوطان ضاعت ولﻷبد ﻷن البداية كانت بتحريم كل ما هو جميل..
من فعاليات #مؤسسة_سلوى_علوان_الثقافية في #معرض_القاهرة_الدولي_للكتاب
"الغنا أصلا حرام. الشيوخ بتوعنا في اﻷزهر قالولنا كده" رده كان مفاجيء للحاضرين.. خصوصا عشان عنوان الندوة اللي هو حاضر فيها. وكان رد اﻷستاذ الدكتور "أشرف عبد الرحمن" ضيف المنصة. رائع.. سأل الشاب: انت سمعت الفنان حسن الزغبي بيغني دلوقت اغنية وطنية. صح؟ قاله:آه.. سأل د. أشرف: كنت زعلان ومتضايق وحاسس انك مش مبسوط وان فيه حاجة غلط؟ الشاب قاله لا.. كنت حاسس بعزة وفخر وحب للبلد.. كنت مبسوط، رد د. أشرف: الإيمان فطرة ربنا فطرنا عليها كبشر لو الغنا ضد فطرة ربنا ولو حرام وفيه حاجة وحشة كنت هتضايق بالفطرة.. والغنا زيه زي كل حاجة تانية فيها الحلال وفيها الحرام المهم بنستخدم الموهبة دي ازاي وبشكل صح ولا غلط..
كلام "أحمد"بالنسبة لي مش جديد لإنه نفس فكر الشباب اللي عملت معاهم حوارات صحفية وكانوا متورطين في قضايا إرهابية وأعضاء في جماعات متطرفة.. البداية قتل الذوق واﻹحساس والجمال عند الشباب في سن صغير. وبعدها قتل كل شيء بلا رحمة. نفس بدايات الدواعش وجبهة النصرة ومن على شاكلتهم.. كلام "أحمد" صرخة استغاثة حقيقية لكل مسئول عنده ضمير.. الكلام عن تجديد الخطاب الديني لازم يخرج للتنفيذ بشكل صحيح وصحي وعلمي وعملي مش مجرد شعارات بنقولها للاستهلاك الإعلامي.. فيه أوطان ضاعت ولﻷبد ﻷن البداية كانت بتحريم كل ما هو جميل..
من فعاليات #مؤسسة_سلوى_علوان_الثقافية في #معرض_القاهرة_الدولي_للكتاب