{{{{ فاتورة العمر }}}} أمونة علي

{{{{ فاتورة العمر }}}}

علي حساب مين.....
عذاب السنين...........؟
وسعادة قلبي كانت...
مش أكتر من يومين.....
وباقي العمر عايشة.......
على طول إحساس حزين.....
ياخسارة تعبي فيهم......
ياخسارة حبي ليهم.......
وانا بسهر جنبهم........
أشكي لمين عمري.....
وطول عمري شايلة.....
ف القلب همهم.......
وانا عمري ماكنت قاسية.....
ولا كنت لواجبي ناسية.....
أديتهم كل حاجة.......
حرموني ودهم.......
أعتب عليكِ يادنيا.....
ولا اعتب على قلبي......
دي النار القايدة فيا......
كاوياني بغدرهم.......
غربة وحاسة بيها.....
رغم إني وسطهم.....
وسنين العمر عدت.....
مخدوعة ف حبهم......
أمونة علي