Shahad Al Rawi · بالإبتدائية ،
Shahad Al Rawi
·
بالإبتدائية ،،
چان أكو واحد ويانة بالصف أسمة بلال ثائر ،،بلال هذا..
شخصية صعبة جداً شاطر و كلش وكح ،إبن تاجر چبير وشايخ بيها ،،
هو أكثر واحد كرهته بحياتي
لأن چان يشمر عليه كزاز مفتفت واني عود شخصية والمدرسة كلها تخاف مني...
لأن مسوية نفسي العب جودو وما أقبل أحد يأذي البنات وطبعا آني بالحقيقة جقلمبة ما أعرف أضرب،
هو الوحيد الي مچان يخاف مني ...
فگرت بهواية طرق أخليه تحت سيطرتي
لأنه چان العدو الي يهدم برستيجي بس يركض وراية بالأبو بريص البلاستك
حاربته بكل الطرق ما گدرتله..
بعدها گمت اللاحظ أنه عنده أصدقاء لامهم داير مدايره ،،
ينفخون بيه ويتلوگوله حتى يجيبلهم لفات وياه مع أنهم هم چانوا أغنياء ..!
فكرت هواية
وراهة رحت فتحت الثلاجة العالية الي ما أوصللها إلا عالكرسي
وطلعت چيس الذهب الأصفر أنذاك ..
الي هو الموز ...!
طبعاً الموز بأيامنا چان حلم مستحيل ،، وآني أمنيتي ألكط وحدة الي ..
بس نزعتي الشرهة للسيطرة والتخلص من هذا الكائن المزعج أكبر من طفولتي الي تتمنى الفاكهة المفقودة...
رحت بالفرصة ثاني يوم صحتهم گدامه
وعينه تنگط شر ...
شوفتهم الموز.. داخوا...
گلتلهم كل اسبوع الكم موزة بس تزاعلون بلال ثائر ...
بنفس اللحظة گمز واحد منهم ..حط اصبعة على حلكة وسحبة وأشر عليه گله مزاعلك...
نهيت امبراطورية بلال ثائر بثواني بسبب العين الفارغة ...
راح بلال من ورة شراهة أصدقائة
مثل ما راح العراق بسبب شراهة السياسيين...
الي اشتروا الذهب بمعدنهم الچذابي
وباعوا الخبزة علمود "فاكهة" مستوردة
يالي نسيتونا
يمتى تذكرونا ...
·
بالإبتدائية ،،
چان أكو واحد ويانة بالصف أسمة بلال ثائر ،،بلال هذا..
شخصية صعبة جداً شاطر و كلش وكح ،إبن تاجر چبير وشايخ بيها ،،
هو أكثر واحد كرهته بحياتي
لأن چان يشمر عليه كزاز مفتفت واني عود شخصية والمدرسة كلها تخاف مني...
لأن مسوية نفسي العب جودو وما أقبل أحد يأذي البنات وطبعا آني بالحقيقة جقلمبة ما أعرف أضرب،
هو الوحيد الي مچان يخاف مني ...
فگرت بهواية طرق أخليه تحت سيطرتي
لأنه چان العدو الي يهدم برستيجي بس يركض وراية بالأبو بريص البلاستك
حاربته بكل الطرق ما گدرتله..
بعدها گمت اللاحظ أنه عنده أصدقاء لامهم داير مدايره ،،
ينفخون بيه ويتلوگوله حتى يجيبلهم لفات وياه مع أنهم هم چانوا أغنياء ..!
فكرت هواية
وراهة رحت فتحت الثلاجة العالية الي ما أوصللها إلا عالكرسي
وطلعت چيس الذهب الأصفر أنذاك ..
الي هو الموز ...!
طبعاً الموز بأيامنا چان حلم مستحيل ،، وآني أمنيتي ألكط وحدة الي ..
بس نزعتي الشرهة للسيطرة والتخلص من هذا الكائن المزعج أكبر من طفولتي الي تتمنى الفاكهة المفقودة...
رحت بالفرصة ثاني يوم صحتهم گدامه
وعينه تنگط شر ...
شوفتهم الموز.. داخوا...
گلتلهم كل اسبوع الكم موزة بس تزاعلون بلال ثائر ...
بنفس اللحظة گمز واحد منهم ..حط اصبعة على حلكة وسحبة وأشر عليه گله مزاعلك...
نهيت امبراطورية بلال ثائر بثواني بسبب العين الفارغة ...
راح بلال من ورة شراهة أصدقائة
مثل ما راح العراق بسبب شراهة السياسيين...
الي اشتروا الذهب بمعدنهم الچذابي
وباعوا الخبزة علمود "فاكهة" مستوردة
يالي نسيتونا
يمتى تذكرونا ...