لجمالك اختارت نداء الرؤح
[COLOR=#3000ff][SIZE="5"][CENTER][B]من اكتر شكاوي الستات ..انهم مش لاقين وقت يهتموا بنفسهم .. تعالي كدة نبسط الموضوع علي نفسنا ونتعود علي شوية حاجات نعملها باستمرار .1 - قبل ما تخرجي من الاوضة نلبس لبس قطن مريح نعرف نتحرك بيه .
2 - شعرنا ..نسرحوا علي الاقل مرة في اليوم بلاش بقالي اسبوع محطتش في مشط و يستحسن يكون مشط خشب ..
دي هي دقيقة كل يوم .
3 - ايدي ناشفة من كتر المواعين والمية والصابون .. ممكن تحطي علبة كريم صغيرة جنبك في المطبخ عشان متنسيش نفسك وكل ما تنشفي ايدك تحطي كريم ..برده مش هياخد منك دقيقة . عندك كريم جليسوليد تحفة و لو عليه عصرة ليمونة يفتح كمان و يا سلام لو عليه حبايتين فيتامين سي من الصيدلية .. و ممكن نيفيا ..
4 - بعد ما تخلصي عصر الليمون ماترميهوش ..ادعكي بيه ايديك وبالذات ضوافرك و حواليها .
5 - لما تحبي تاخدي شاور..خدي معاكي شوية سكر وحطيهم ع الشاور جيل هتعملي اسكرب هايل بأقل تكلفة واقل وقت .
6- خلي دايما في الحمام أو ع التسريحة كيس قطن و مية ورد .. ونضفي بيهم وشك مرة في اليوم .
7- جنب سريرك خلي دايما علبة كريم او فازلين وحطي علي ايدك و كعب رجلك و الركبتين قبل ما تنامي وياريت لو لبستي شراب هتصحي تلاقيها ناعمة جدا .
8 - مرة في الاسبوع حطي شوية زيت زيتون علي شعرك هيغذية ويطريه جدا